大喜家日本料理 (已結業)

講起都慚愧，打好左咁耐都無上傳到上來同大家分享先講講環境啦，由於坐卡位，位於窗邊，適合一班朋友坐埋一齊，一邊食放題一邊吹水，仲可以得閒望下樓下既人行來行去。除此之外，餐廳裡面仲會有D開放式既位置，兩三個人圍埋吹水都幾過癮。講遠左添，同大家介紹一下食物啦。刺身拼盤先講講刺身拼盤，師傅會根據你所點的刺身，幫你擺好位置比你部相機食先。（哈哈講下笑先）呢個拼盤最吸引我既係煙霧效果，係拼盤底下會有D乾冰，淋小小水，即刻騰雲駕霧！刺身拼盤－三文魚我鍾意呢個三文魚，出面食到既三文魚食落去或者會覺得油，膩或者肉質鬆散。但呢個唔會，我食落去有彈性，而且唔多覺膩，於是我就食多左幾舊啦。黑松露牛油粟米普通牛油粟米就食得多，黑松露牛油粟米真系第一次食，黑松露味係拎緊過來個陣已經聞到。普通牛油粟米會比較乾身同埋油，但係呢個咬落去可以用脆來形容，唔會乾身，真系當飯食都得！豬骨湯豬軟骨拉麵夜晚要食D熱食先至飽肚架嘛，於是我就點左味豬骨湯豬軟骨拉麵，咪睇佢細細碗甘，其實好飽肚。主角豬軟骨入口就鬆化，出面有D會咬好耐先食到，再加上個麵，唔錯！和風一口牛粒呢個係我第一次嘗試既野。以前對食牛既印象都停留係牛扒同牛肉片，一粒