四季‧悅 日本餐廳 (Manhattan Place )

营业中

休息中

今年母親節及父親生日搵左間未食過既日式放題餐廳，位置九龍灣Mega Box附近，網上見到做緊優惠價，原價$388，現在$240一位（另收原價加一），而且每2位送4件海膽壽司，以及每位母親送一罐養生桃膠。放題同其他餐廳差唔多，刺身幾厚切，但無生蝦只有熟蝦；燒物方面沒有羊架，而牛脷又乾又硬，有少少失望。但要讚炸物好出色，叫左幾次都係新鮮炸起熱辣辣，仲有軟殼蟹！而比較特別是芝士溶岩系列，有蟹柳，帆立貝，玉子，炸雞粒等，全部熱鍋上加芝士醬，一定要趁熱食！餐廳只有QR code落單點餐，沒有自助區，飲品只有四州旗下飲品，比較少選擇。整體餐牌選擇同平時食開既放題少左啲，食物質素就有高有低，但都合格既。.餐廳地方夠大，客人唔算多，而且無需行出行入拎飲品或自助區取食物所以坐得幾舒適。母親節後少了海膽壽司及桃膠優惠，價錢將是原價減$150，即係比我今次用餐平$2，性價比就低左啲。

我自己食過好多次，今日奶奶生日，所以一家8口有老有嫩一齊嚟食，見到OpenRice有買二送二優惠，折實價每位$232.75 ，勁抵呀！奶奶好嘴刁都話啲嘢好食😋！前後有三個waiters招呼我哋，都好有禮貌，上菜勁快👍🏻👍🏻。最愛佢嘅鵝肝多士同埋芝士🧀️食物s🤤。環境都坐得好舒服。

上月二十日訂了九龍灣四季悅吃日式串燒放題，這個放題是以半自助形式進行，即是一半是套餐形式，而燒物和炸物就可以任點。先講套餐方面，其實都有水準，刺身雖然不多，但勝在新鮮，酥皮龍蝦湯也做得不錯，烹物和前菜就比較一般，行貨水準，烏東就幾有水準，口感一流，甜品就是最弱一環，不吃也不可惜！至於放題方面，不知那天是否太多客人，食物水準就真的差，上菜奇慢，雖然服務員已盡力安撫客人，但廚房跟不上的最大問題所在，希望管理者要正視一下，否則縱有好的硬件，卻大大浪費了。