大喜屋

营业中

休息中

大喜屋是沙田廣場一家長期排隊的放題餐廳，今次BOOK了枱，等了10分鐘就入得。這裡提供2小時的任食服務，讓顧客盡情享受美食。餐廳內還有一個熟食自助區，供應各種美味的熟食。大喜屋的座位舒適，不會太擁擠，讓顧客能夠放鬆享受餐飲體驗。餐廳的環境舒適，氛圍輕鬆愉快，讓人可以輕鬆地與家人和朋友共享美食。這裡的放題選擇非常豐富，包括各種有十幾款刺身、壽司、手卷炸物、天婦羅、串燒、燒物，仲有自助區無限任飲。非酒精飲品有冷/暖飲品。刺身有很多選擇，長腳蟹、劍魚腩、三文魚、希靈魚；蝦類有甜蝦、阿根廷赤蝦；貝類有原赤貝、北海道帶子、北寄貝等，特別第一盤刺身擺盤得好靚！肉類的種類也很多，羊架，一口牛，品質上乘，口感鮮嫩。此外，他們的熟食自助區提供了各種美味的熟食選擇，當中提供多種鮮冷盤，凍熟蝦、青口、日式中華沙律、螺肉、瑞士雞翼及小龍蝦，可以按照自己的口味來享用，滿足了不同人的口味需求。服務方面，大喜屋的工作人員態度友善，迅速回應客人的需求。整個用餐過程非常順暢，讓人感到舒適和滿意。總體而言，大喜屋是一家值得一試的放題餐廳。他們提供多樣化的菜品選擇，舒適的環境和友善的服務，讓顧客能夠享受美食的同時感到輕松和

家人最鐘意食日式放題🍣成日話一定抵過食自助餐 食物超新鮮又多款式食物種類多任君選擇 飲品又可以任拎任飲今次就同家人黎左沙田呢間大喜屋食午市放題嘩😵未開門 門口已經排晒長龍了餐廳環境衛生乾淨 座位寬敞又舒適🥰食物可掃QR code落單 亦有部份係自助形式食物選擇多包括有刺身 壽司、串燒、燒物、炸物、天婦羅等而自助區有湯 甜品 飲品任拎 非常豐富🤩🔸刺身有三文魚 油甘魚 劍魚腩 赤貝 帶子等全部都好肥美又新鮮 油甘魚厚切鮮甜 係我至愛😋🔸壽司壽司種類很多 比較推介係黃金海鮮船 好吸睛又味道特別 必試壽司之一🔸手卷手卷叫左香蔥拖羅蓉手卷 芥辣八爪魚手卷難得食到拖羅蓉手卷 好正🔸燒物▪️金蒜蓉粉絲蒸扇貝 扇貝加埋惹味既蒜蓉醬一齊食 十分滋味▪️香草燒羊鞍羊鞍又厚又大件 燒得很焦香又可口 🔸串燒▪️鹽燒牛舌牛舌有黑椒 入味而且超爽口▪️燒溫室菠蘿菠蘿香甜又多汁 好正🔸炸物▪️ 脆炸貓山王 紫心香芋丸全部炸得脆卜卜 好香口 特別推介喜歡食榴槤既人炸貓山王外脆內軟 一口咬落去流心又爆漿咁係榴連迷必試必食之一🤤🔸甜品類雪糕方面都有唔少選擇例如有甜筒 朱古力脆皮雪條等🔸飲品方面自助區有多款茶類 汽水 果汁等飲品

自從疫情放緩，我同男朋友一齊出去食放題都放心啲打去book位佢話多咗好多款新嘅嘢食，咁就去試吓啦一去到第一時間我哋食放題多數都會食生嘢先，咁就嗌咗個刺身拼盤，基本有三文魚，蝦同油甘魚刺身，最大隻嗰款蝦就好好食嘅有個鮮甜，細隻少少嗰款甜蝦你都可以不過就唔好大隻咁好食手卷都有海膽食，今次叫左海膽同吞拿魚用手卷，個海膽今次都算係幾新鮮至於壽司方便就每樣一件嚟試吓，新鮮程度到幾高呢個吞拿魚係第一次大喜屋食到，食落去都唔錯幾厚身。食完啲刺身之後，就開始主攻熟食。呢個係新款嘅膳，我哋都會一試，不過就個味道就怪怪地，個肉質就不過不失。呢個帆立貝就比較細隻，食落去都冇乜甜味都建議大家可以唔使去試。最後食完一輪嘅生熟食物之後，就開始食甜品最後嗰part，我就揀咗呢個乳酪，個味道都唔錯，又有啲士多啤梨果肉。埋單每人平均二百零蚊都可以接受。

聽朋友介紹沙田大喜屋質素唔差，好抵食，每位只係$228。今日決定一試😋講起大喜屋其實都係老牌放題日本料理。坐低一掃code菜牌全部出晒嚟，刺身選擇多，先來個刺身大拼盤：三文魚、油甘魚、希靈魚、赤貝、帶子、北寄貝、象拔蚌、赤蝦、甜蝦、冰鎮花海蜇。一上枱賣相好靚，魚類都係厚切，所有刺身很新鮮，而且用冰鎮住，食得出味道鮮甜。今日主力推介佢個金蒜蓉粉絲蒸扇貝，扇貝大隻厚肉，蒜蓉香味十足，粉絲亦索晒扇貝甜味，非常好食。從來冇諗過放題都可以食到滋補花膠燉鮮奶，大家可以作為甜品，花膠有彈性，味道香甜燉奶入口即化。燒物：分別點左羊架同菠蘿都幾好食。菠蘿又甜又多汁，羊架唔羶，唔肥，燒得啱啱好之餘亦食到肉汁，肉質好淋軟。最後更加叫咗一個一品料理暖下胃：鮮甜蟹粥，一鍋而上，粥水清甜，有蟹味。真係食到個肚非常之撐！真係極度推薦給大家，佢嘅分店好多，尖沙咀、銅鑼灣都有架！😍😍

疫情咁耐，都小咗好多出街食飯。今日嚟呢到食放題，填補下心靈嘅空虛😆例牌自助嘅款式都差唔多，都係兩款熱盤、一湯一糖水、兩款炸物、八款糖果、日式小食同沙律，但質素高咗。今日有滷水雞亦同埋蟲草花雞湯，好味而且唔會過哂火。冷盤有青口同凍蝦，食落新鮮有海鮮味，唔係hea比嘅。埋到位點餐，發現多咗款式，不論係壽司款式，定熱食嘅款式都多咗。比如壽司多咗好多火炙款，而且仲做到同x長咁上下質素，睇得出比心機咗。另外熱食多咗好多款式，連麻辣水煮煲、花膠燉奶都有，而且係好食，唔係得個名但食唔落口。今次288+1，整體嚟講很滿意。係座位需要改善一下，本來枱已經細，而且當日其實唔滿場，仲有好多枱，但就偏偏要搭枱，搞到好迫咁，但就吉咗好多4人枱出嚟。當時我入座已經係7:45，10:00就收工，其實職員都可以睇時間去安排返鬆動d嘅座位，以疫情或者舒適度嚟計都開心d la😁

Happy Holiday🥰要大吃一餐 放題就係最好嘅選擇啦😆 宜家平日 午市$218 食到飽🤘🏼😋-👉🏻宜家點餐 用手機掃QR code 網上訂單（唔洗寫咁多紙仔🙈🙈👍🏻）幾個人同時落單 都ok -👉🏻飲品&熟食可以直接去自助飲品區 自己拎飲品同小食😆 飲品除了有包裝飲品 亦有咖啡/奶茶/橙汁/椰青水/酸梅湯、仲有清酒啤酒等 🤩特別喜歡吃涼拌鳳爪 無骨 而且好夠味酸酸辣辣好開胃 🤤🤤/由於已經n次回訪 ✨特別推介✨幾款食物比大家🥰 每次都必叫 🤘🏼-🐟刺身 🐟 👉🏻三文魚咁岩都係三文魚腩 件件都厚切肥美 味道鮮美🤤👉🏻刺身虎蝦肉身肥美 味道鮮甜 好貼心地切開一半及去腸 賣相美觀🥰且無腥臭味👍🏻👉🏻帶子 味道鮮甜 口感適中 -🍣壽司🍣👉🏻海膽山🏔細細口飯團加上海膽醬及青瓜紫菜 邪惡得來唔會有罪惡感😂🤩 👉🏻鵝肝帶子 賣相好精緻💖 面頭加少少火炙 鵝肝味道更香🤤 👉🏻三文魚親子海膽燒🔥肥美嘅三文魚腩包着飯團 面頭加上海膽醬及三文魚子✨口感一流😋-🍤炸物 🍤🐥 芝麻雞翼十分推介🤩 好好食 外脆內軟 仍有肉汁😋🍤炸蝦天婦羅 🔥 香芋炸丸 炸得好脆 裡面啲香芋醬 好香😋 🔥 榴連炸丸 都炸得唔

朋友話好耐無食過放題，今日決定俾個胃大解放，平平地去左沙田廣場呢間食，因為睇過好多食評都話呢間勝價比高，咁就揀左食呢間。我地比較遲去到，好彩唔洗排隊，但入到餐廳見到都差不多坐滿人。沿途經過自助區，嘩! 都有幾多選擇，飲品櫃啤酒、汽水、果汁、茶，樣樣齊，值得一讚茶飲係除左一般牌子嘅樽裝茶之外，仲有自家製冷泡茶；清酒、梅酒都係任飲；沙侓、小食、湯、甜品、雪糕/雪條….. 琳瑯滿目，呢度嘅嘢食都已經咁吸引，期待坐低可以叫嘅嘢食。🍣食放題一定要食刺身! 基本講得出嘅都有得食，三文魚就最正，我地好好彩可以食到三文魚腩，夠晒厚身肥美，食落有少少魚脂。帶子、赤蝦都很新觧，食完可以再食。🍣壽司必選海膽山，絕對係回本食物，估唔到放題嘅海膽都咁高質，完全無惺苦味，仲有少少甘甜，壽司飯又唔會大大舊，真係食多幾件都得!另外仲叫左火炙岩鹽燒左口魚壽司，同埋鵝肝帶子壽司，味道都OK。🍤天婦羅有樣幾特別嘅，沖繩苦瓜天婦羅，第一次食苦瓜天婦羅，苦瓜同天婦羅脆漿又幾夾喎，點埋天婦羅汁，帶少少酸味，會更突出苦瓜的鮮味。🥓炸物無論係榴槤炸彈、吉列牛乳炸鮮奶、紫心香芋丸、芝麻雞翼都有驚喜，首先絕無油膱味，最怕食炸嘢會有果d千

帶爸爸去食日式放題，要選一間性價比高的他才會高興。大喜屋正進行兩點後第二位半價優惠，正合心意，加上知道大喜屋的熱食和熟食都有水準，適合不是太愛生冷食物的爸爸。為了遷就爸爸，刺身只是點了虎蝦和帶子，兩樣都非常新鮮和鮮甜，平日對刺身麻麻的爸爸也說好食。熟食我們叫了好多。肉類有香草燒羊鞍、鹽燒牛舌、芝麻雞翼；海鮮有比目魚西京燒、蒲燒鰻魚、豉椒炒蜆、吉列蠔、咖哩香辣蟹等，單是蝦就有蒜蓉牛油開邊芝士蝦、味噌煎蝦和香辣小龍蝦。上述羊、牛、雞和海鮮全部都好滿意，特別推薦羊鞍、鰻魚和蒜蓉蝦，必食！還有鮮甜蟹粥、花膠雞湯和蛇羹！這三款一品料理都真材實料，蟹粥有半隻蟹和粟米粒，很清甜；雞湯有兩塊花膠、雞肉和黃芽白，也很暖胃；蛇羹有齊蛇羹應有的材料，真是有蛇肉絲，不過好韌，味道也較普通。飲品方便更讓爸爸驚喜，因為有熱清酒！看見他食飽後食雪糕時的高興樣子，這一餐抵了！

始終覺得沙田廣場的大喜屋係大喜屋放題系列中最得我心的，食物有水準，空間寬敞，服務又好，最近仲有優惠，下午兩點後第二位有半價，所以我覺得這分店性價比最高。OR code落單後，每次都好快便送到，點幾多來幾多，絕無偷工減料。然後侍應收碟收垃圾又勤快，不得不贊一下。刺身必然是首選。叫了我最愛的三文魚、帶子、虎蝦和甜蝦，冰鎮煙霧上枱，非常新鮮搶眼。燒物的香草燒羊鞍和蒲燒鰻魚是必點的，可以說人人枱上都有一兩碟。其中羊鞍燒得又軟又入味，食完已想叫多碟。還有吉列蠔、芝麻雞翼和蒜蓉開邊芝士蝦這些香口嘢又係好正，夠熱惹味。鍋物叫了花膠雞湯鍋和鮮甜蟹粥。食放題竟然食到花膠，仲要兩大件，軟滑唔腥，湯底清甜又多蔬菜；蟹粥的確鮮甜，食完好暖胃。我食放題最重視飲品和甜品，這裏選擇實在太多，有凍有熱，連清酒、梅酒都有，甜品更是要有第二個胃先搞得掂。高質放題，每人都只係二百元，好抵！

8月31豪雨日意料之外的驚喜早午餐，CP價堅係超高，揀選星期六午餐時段果然無揀錯，食足三小時，完全係大滿足有預先book位係明智決定，坐低後就自助電子落單，電子系統清晰易用，訂單亦一目了然，方便一枱四人同時各自落單後，查閱訂單紀錄，要俾個讚菜色算多選擇，刺身夠鮮夠凍，上枱快，有冰底，唔怕食到變暖刺身，私心推薦希靈魚刺身，個切法令魚肉、魚籽形成一個完美比例，入口鮮甜、咬感十足其他私心 encore 清單：自助小食區的泡菜蘿蔔，微辣有口感，夠醒胃比目魚西京燒，薄切熱上，西京汁調味剛好，魚皮脆香，肉質略帶甜，就咁食經已超好食燒鯖魚，小段熱上，無魚骨，完條食，一樣皮脆肉甜蒜炒牛柳（無俏影），淡淡黑椒味，濃郁蒜味，調味完美配搭，炒出超好食牛柳，快炒功架盡在剛熟口感、肉汁表演出嚟，無得輸燒羊鞍，熱上再加檸檬汁即食，連膏咬，羊味重而香，油份在嘴與肉共舞，跳出令人感動的幸福感再送熱清酒，人生一大快樂也個人最大溫馨提示：熟食一定一定要趁熱食！飲品推介（排名分先後）：熱清酒、人蔘雞湯、熱羅漢果水、凍梅酒、凍椰子水甜品水準都滿意另外，服務一流，上菜快而準，又熱上，收碟快，店內活動空間亦充足，座位舒適，CP價

今日到沙田大喜屋食放題，太耐冇食放題真係要大吃一餐。好彩預約左，都好快就有位了。入到去先點一輪菜，之後去拎熟食同飲品先。飲品有熱飲有大量凍飲選擇。一般前菜都有海蜇，中華沙律，螺肉等等。熟食都唔少，有豉汁蒸倉魚都幾好食，炸丸子同餃子都幾香口好味。放題必食刺身，油甘魚，鱆紅魚，赤蝦，北寄貝，赤貝，帶子，櫻花魷魚，甜蝦。都幾新鮮好味，有陣陣海鮮鮮味。芝麻雞翼都好香口野味。鮮甜蟹粥鮮甜粥底綿，咖哩香辣蟹個咖哩味算幾香唔算太辣。燒菠蘿都好香同有好多菠蘿汁。蒲燒鰻魚既鰻魚魚香味濃燒出黎都唔係過火岩岩好。海膽壽司既海膽都好鮮味。鹽燒靖魚同比目魚西京燒肉質都好嫩滑同夠魚油香味。豉椒炒蜆味道不俗同冇沙，雞軟骨香口好味。甜品都好多選擇