影片
更多
2015-08-13
6880 浏览
近年香港開左好多日式放題店，但好多都做到好無誠意，唔會好想再次返去食，但漁屋係唯一一間想食完又食既放題，已經係第三次去了。入面座位唔算好多，而且午市會有分set lunch同放題，所以最好選擇平日去放題多數都係食刺身，羊架等等，所以今次就推介啲真係好食而其他地方好少食到既食物。忌廉朱古力奶，見住佢點整，係維記朱古力奶加忌廉，所以有其他野想飲既可以唔選擇依杯。食左2轉刺身，係真係有蝦頭既甜蝦呀!!!而且好鮮甜，無腥味。而刺身中既另一推介係帶子，係原粒上唔係一開二的，夠肥大。其他刺身都不錯，但令我難忘既係以上2種。芝士年糕，我知好多地方有得食，但係佢上面加左啲鰻魚汁，令到個年糕無咁膩，所以忍唔住食多左2個，哈哈!咖哩軟殼蟹，係好有創意，可以一試，但唔係會再三回味既食物(唔係唔好食呀!!!)雞泡魚乾，有係日本餐廳食過，非常好食，但一塊已經40蚊，所以我叫左2塊已經好抵，而且唔會乾到好難咬，而且外面甜甜的，唔點沙津醬都好好食。芝士蠔，入面係用千島醬，上面有啲蟹子所以會好有新鮮感，入面既蠔好大隻，好juicy,正。羊架，我試過係其他地方食過太熟既，有異味既，依到我完全唔會有依個問題，夠多汁，7成
近年香港開左好多日式放題店，但好多都做到好無誠意，唔會好想再次返去食，但漁屋係唯一一間想食完又食既放題，已經係第三次去了。
入面座位唔算好多，而且午市會有分set lunch同放題，所以最好選擇平日去
放題多數都係食刺身，羊架等等，所以今次就推介啲真係好食而其他地方好少食到既食物。
忌廉朱古力奶，見住佢點整，係維記朱古力奶加忌廉，所以有其他野想飲既可以唔選擇依杯。
食左2轉刺身，係真係有蝦頭既甜蝦呀!!!而且好鮮甜，無腥味。而刺身中既另一推介係帶子，係原粒上唔係一開二的，夠肥大。其他刺身都不錯，但令我難忘既係以上2種。
芝士年糕，我知好多地方有得食，但係佢上面加左啲鰻魚汁，令到個年糕無咁膩，所以忍唔住食多左2個，哈哈!
咖哩軟殼蟹，係好有創意，可以一試，但唔係會再三回味既食物(唔係唔好食呀!!!)
雞泡魚乾，有係日本餐廳食過，非常好食，但一塊已經40蚊，所以我叫左2塊已經好抵，而且唔會乾到好難咬，而且外面甜甜的，唔點沙津醬都好好食。
芝士蠔，入面係用千島醬，上面有啲蟹子所以會好有新鮮感，入面既蠔好大隻，好juicy,正。
羊架，我試過係其他地方食過太熟既，有異味既，依到我完全唔會有依個問題，夠多汁，7成熟岩岩好。
而且佢既食物會放到靚靚先上台，影相都靚啲，食野首先要滿足左視覺先，漁屋係依方面做得好好，另外，極少流單，做得唔錯。
张贴
