元豐園

营业中

休息中

夜晚係尖沙咀搵食，經過呢間餐廳，見到D裝修比較古色古香D入到去見到老闆係韓國人，而且食客亦有唔少係韓國人，就覺得應該幾正宗，於是就坐低試吓竟然上咗9碟前菜，好surprise😂😂個菜同薯仔好好味🤤同行友人已經成日話想食人參雞湯，今日終於食到🤣叫左半隻雞，整體嘅味道較清淡個石鍋什錦伴飯就好香好好味😋老闆見我係度用匙羹起個飯焦黎食主動行過嚟幫我起😸老闆見我地差唔多食晒，佢就拎咗碟橙出嚟，又一surprise🤣老闆同店員係會比較有性格，但都有provide應有嘅服務😉整體來講係值得推介，一路食已經覺得好滿足🤣臨走發現上面係仲有一層，但都好多人，我哋真係好好彩walk in到，之後食都係book定位好D

中午搵飯食，突然想食韓國野，就黎左呢間老字號搵野食。我地叫左石頭雜料飯同辣豆腐湯飯。同去韓國食一樣，首先會俾左好多小碟既前菜有薯仔、煎豆腐、大豆芽菜、菠菜、泡菜，我就最鐘意菠菜同泡菜，有韓國既感覺我本身好鐘意食韓式拌飯加埋韓式辣醬，真係好正😋佢呢間仲要係石頭鍋，熱辣辣咁拎上黎，食到最尾再有d飯焦👍仲有個辣豆腐湯飯，夠辣好惹味，裡面都好多配菜，一啖飯加一啖湯，正呀😋佢呢間仲要係就咁收餐牌價錢冇加一，一間正宗韓國餐，咁既價錢，我覺得算唔錯。