阿里朗韓國餐廳

营业中

休息中

星期六嘅下午俾公司安排去灣仔上堂，我同我同事講趕住食個快Lunch，所以就選擇咗依間餐廳。入到去，得3枱客，感覺有點伏。打開Menu，係一個晚餐嘅價錢，我哋問有冇Lunch Set，佢哋話星期六係冇嘅，跟住我哋就揀咗一個部隊鍋Share嚟食。前菜有五碟餸包括薯仔、豆腐、泡菜、芽菜、菜，味道冇乜特別，正常野。部隊鍋賣相幾標緻，但食食下，發現腸仔比較多，而泡菜、茄汁豆同麵相對比較少。泡菜湯既味幾濃郁，食到三分一，我覺得有啲辣。由於佢哋三點鐘要落場，而我哋兩點先到，再等個鍋要15分鐘，我哋食到三點，急急腳咁埋單去上堂。個人而言係W Square食嘅野相對係會貴啲，但出面競爭何其大，如果因應依個食物嘅質素，我相信係灣仔區既韓式食肆，會有更多選擇。

今日在灣仔附近做完訪問，然後在附近挑選了一間韓國菜，阿里郎聽名字上來好像很正宗似的。進去發現沒有人，於是很快就坐下了。侍應非常好的遞上了餐牌，然後推介我們點這裡最有名的石頭窩飯，我們也沒有留意石頭窩飯的名稱，只是隨便挑了一個石頭窩拌雞蛋飯，還有一個湯。菜很快就來到了，職員很細心的把飯拌好了，還有把這個飯分做兩半，放進碗子裡面，態度真夠好。他們還會定時定候的遞上熱茶，十分窩心。結帳的時候約300元，因為是我朋友請客，2 個人也吃得很飽了。

早排七夕，收工諗過同男朋友睇下戲拍下拖，睇戲前就上黎open rice 揀咗呢間啦入到去，個韓藉waiter 好nice，笑容滿面，見到開哂胃 (大叔)一坐低落完order，前菜即刻就到，速度100分呢啲就正常味道，右手邊個茄子好得我歡心好好味男朋友就好中意右上嘅薯仔，甜甜地海鮮煎餅熱辣辣脆卜卜，唔會差得去邊不過真係好多蔥，食唔到海鮮 唔係太抵食牛肚牛腸鍋店員本身落錯單後尾幫我地換返，不過明顯只是加返啲料見到隔離台個鍋好靚，希望下次黎可以食返真正嗰個鍋味道都幾正，好多牛肚牛腸，非常足料。不過好奇想知點解牛腸同粉腸一樣味嘅入面有埋年糕同烏冬。兩個人食唔哂呢個相對黎講抵食另外個waiter服務態度真係好好

上個禮拜女朋友生日，諗黎諗去都唔知食咩好，佢又成日話要食韓國燒，我又唔想去d cheap雞韓國餐廳，所以就第一次去佐阿里朗食。聽人講話阿里朗都幾出名，係香港開佐好多年，成日有唔少名人去果度食野，心諗質素應該唔錯，亦都估價錢唔會平得去邊。當日7點幾到，預先Book佐台所以唔洗等，環境一般，勝在無咩人幾舒服。門口靚靚姐姐帶我入去，有幾個侍應係韓國人不過係味整容既，隔離台係講韓文，所以估依度應該都幾正宗。先黎一堆前菜，個甜薯仔同泡菜好好味，特別係D泡菜都幾入味，同一般超級市場唔同，唔會出好多水之餘辣味適中，問過侍應佢話係正宗由韓國真空空運過黎，不愧係高級貨色。order佐幾樣野燒，有羊肉同招牌特级牛肋骨。侍應幫我地開爐，個爐都幾乾淨睇得出都應該成日保養。佢重教我地點樣燒先最好味。特级牛肋骨口感有D似牛仔骨，雖然厚切，但入口融化，加埋D甜甜地的sauce真係好好味。跟住我地叫佐個辣伴面，一樣都係有人serve我地，不過個面有D辣，本人頂唔順，女朋友食佐一碗之後就停佐手，本人局住要食晒佢....個size都幾大，最好多D人黎分擔下，如果唔係會食唔到其他好野。最後，係D咁開心的日子裡就緊係飲番杯。

        朋友生日,今次選擇食韓國野,預早訂定位, 一行五人7點前去到,門口帶位係韓國小姐,笑容好好。一坐低已經被環境吸引, 位於窗邊的卡位非常舒服,不過今次無選擇,下次一定試下。今次由朋友點菜, 有炒粉絲,炆牛肋煲, 泡菜水餃年糕鍋, 炆銀鱈魚同埋什菜餅。上菜前先有前菜, 嘩, 有我最鍾意嘅薯仔,我老實唔客氣即刻食咗一舊,好好食 。泡菜都好好食。朋友點嘅菜非常美味,尤其是牛肋煲配白飯一流。仲有泡菜水餃年糕鍋,我地另外加個麵,雖然有少少辣,但非常好味,將個麵加埋落去簡直絕配。侍應招呼好好, 直得一讚。多謝朋友帶我去間咁有質素的餐廳,係香港已經少有。