魚一壽司 (教育路)

营业中

休息中

高質日本菜！每次去食基本上都係食嗰幾樣其實😂辣味冷麵真心好食。壽司魚生都新鮮。每次去親見其他人都係一盤盤咁叫😂😂店面唔大，要上二樓，都係坐得十幾廿人。如果食飯時間去都要等一陣先有位。

之前聽人推介過元朗呢間日本餐廳，無咩事都唔會過元朗嘅我，決定搵一日專程入元朗試下。原來間店分咗有上下兩層，下層有張好似吧枱嘅枱比客人肩並肩咁坐低食嘢。而上一層嘅座位比較多，但整體嚟講空間都好窄，坐得唔算舒服。如果唔想等太耐就要同人搭枱啦。-三文魚壽司壽司好普通，三文魚唔算厚切肥美，肉質都唔算新鮮，反而有啲霉嘅感覺。不過以呢個價錢而言，算係正常發揮。-自選丼飯（中拖羅、有頭甘蝦、三文魚腩）除咗散叫食物，仲有可以自選配料嘅丼飯。選擇都幾多下，淨係拖羅都有幾款。中拖羅原來得一件，價錢都唔算平，但佢嘅肉質幾肥美。有頭甘蝦算係不過不失，尚算鮮甜。三文魚腩都算不錯，質感都幾厚實。-加州卷加州卷嘅餡料普通，但係配上沙律醬就好正，即時開胃返。-蟹籽沙律最欣賞係呢款蟹籽沙律，特別係蟹籽用料好足。沙律醬、青瓜絲、蟹柳絲同蟹籽嘅份量都好平衡，唔會出現沙律好乾身，或者無醬汁嘅情況。咬落好清爽，索索聲，酸甜開胃。

元朗出名大舊壽司，開左好多間賣拳頭大既加洲卷同其他壽司。不過試過一次派隊名店之後，我個人都係比較鐘意一啖可以食曬成舊既size。幫襯左魚一幾次，佢既性價比令我決定帶埋朋友一齊再去食鋪頭十分細間，7點後就要排隊，為左避開人流，6點半已經坐低係樓上。設計簡單舒服，屋細但枱少，都唔會覺得逼。兩個人點左蟹子沙律先，蟹子非常之多，沙律就係青瓜絲加沙律醬，性價比之選！另外仲食左以下壽司～點菜時發現餐牌靚仔左，已經唔係當初既黑字彩紙，心諗一定加左價。不過咁，咩都貴左，唔加價又好難做既，埋單兩位$17x，食到飽一飽，抵！