魚一壽司 (教育路)

营业中

休息中

之前听人推介过元朗呢间日本餐厅，无咩事都唔会过元朗嘅我，决定揾一日专程入元朗试下。原来间店分咗有上下两层，下层有张好似吧枱嘅枱比客人肩并肩咁坐低食嘢。而上一层嘅座位比较多，但整体嚟讲空间都好窄，坐得唔算舒服。如果唔想等太耐就要同人搭枱啦。-三文鱼寿司寿司好普通，三文鱼唔算厚切肥美，肉质都唔算新鲜，反而有啲霉嘅感觉。不过以呢个价钱而言，算系正常发挥。-自选丼饭（中拖罗、有头甘虾、三文鱼腩）除咗散叫食物，仲有可以自选配料嘅丼饭。选择都几多下，净系拖罗都有几款。中拖罗原来得一件，价钱都唔算平，但佢嘅肉质几肥美。有头甘虾算系不过不失，尚算鲜甜。三文鱼腩都算不错，质感都几厚实。-加州卷加州卷嘅馅料普通，但系配上沙律酱就好正，即时开胃返。-蟹籽沙律最欣赏系呢款蟹籽沙律，特别系蟹籽用料好足。沙律酱、青瓜丝、蟹柳丝同蟹籽嘅份量都好平衡，唔会出现沙律好干身，或者无酱汁嘅情况。咬落好清爽，索索声，酸甜开胃。