勁回味

营业中

休息中

今日去紅磡所以又走去尖東食海胆手卷 可能天雨關，明顯人流少咗好多，得兩三個排隊 今次滿足度無之前咁大，覺得海胆份量少咗些少咁 除了加拿大海胆外，今次另試新口味 店員好細心，知我一個人即食唔係外賣拎走，佢叫廚房先弄一個，另一個隔一陣先再比我，等我可慢慢享用唔使趕。 新鮮！

今晚去睇2015香港公開羽毛球錦標賽準決賽, 早兩日搭巴士都幾塞,  加上係星期五所以唔敢搏, 都係搭港鉄安全D . 諗住搭到去尖沙咀站再行去尖東再上紅館.行到尖東未到行人天橋 , 見到有條小人龍 , 我見仲有時間所以去八卦一下 , 原來係一個蚊型壽司外賣小店, 個店上的招牌都退晒色 , 見狀唔理三七廿一排咗時, 邊排隊邊上網看看乜料子.原來這小店好評如潮 , 人氣食品係大既海胆手卷 , 我近年好鍾意食海胆 , 所以一定要食海胆 .排到我講底食乜比錢拎飛走, 在外圍等....等期間不斷有人加入人龍店內眼見有三個人, 一個門面收錢落ORDER比食物, 一個密密包包包, 仲有一個係切切切. 等咗大約10分鐘終於叫128 !!!加拿大海胆手卷(大) HK$40  有紫菜真係要拎住即食才可保持脆口 , 兩大片海胆都好鮮味, 正 !另外幫朋友買咗件之餘自己都仲再加多一件加拿大海胆帶子手卷睇波時一齊食不過紫菜都預咗會淋晒 , 但海胆和帶子依然好好味 !!! 食完不斷回味回味再回味 ! 排隊係值架 !