北京樓 (MOKO新世紀廣場)

营业中

休息中

我阿姨之前食左北京樓嘅午市北京填鴨餐之後，一直向我強烈推介，所以我都決定帶屋企人黎試下⋯-正常飲茶地方，人流都比較多，剛好星期日，都真係需要等耐啲時間先有位。-叫左我阿姨推介嘅$398震撼午市套餐，有胡麻醬什菜蘋果沙律、時菜鮮魚羹、北京宮爆蝦球、烤北京填鴨半隻、北京人家小蔥伴麵、蟹粉小籠包同香滑椰汁糕，好似幾抵食又豐富！-🍴胡麻醬什菜蘋果沙律沙律菜款式算多，種類豐富，加左少許煙肉同蘋果，松子似乎無烘過，汁醬剛好，多彩但略為失色。-🍴時菜鮮魚羹整體很碎嘅羹，有菜有蛋有魚，口感上可以更好。好似仲加左啲莞茜定蔥，最初食唔到都還好，一食到就怕怕了。-🍴北京宮爆蝦球蝦球大大隻，甜中帶辣，味道出色，配佢較為素淡嘅小蔥拌麵最好。-🍴烤北京填鴨半隻半隻烤鴨份量豐富，上枱又體面，的確幾開心。烤餅薄而不透，鴨香有油，但包嘅配菜不太合我胃口，淨包住鴨肉食都開心😆-🍴北京人家小蔥伴麵唔好誤會佢汁醬少，撈一撈，食落都香，夠味，簡單得黎啲麵唔會一餅野。-🍴蟹粉小籠包小籠包都幾爆汁，但似乎可以再香啲。-🍴香滑椰汁糕食完咁多野食返個椰汁糕真係好清爽。-整體黎講未算超好食，但會覺得幾抵食又體面，菜式又豐富，一個下午食到

因第四波疫情比較嚴重, 結果有成 2個幾月無出外晚膳, 襯住星期六, 日就梗係要出動下, 網上同電話都訂唔到位, 唯有早 D 出來搵食啦, 18:15 就去到旺角新世紀既北京樓, 好彩呢個時刻 walk in 既客唔多, 不過入到去都已經係 80% 坐滿, 望完餐牌, 最後都係揀左 錦繡年華套餐 - $498 + 10%, 感覺食物都應該唔差.先上前菜, 海蜇頭同素鵝, 不過不失, 跟住就來個濃湯海皇素翅, 但就唔多覺有幾濃湯, 但味道尚可, 始終素翅同真翅都會有少少出入, 第三樣上來既係宮爆蝦球 4隻, 蝦肉爽滑, 肯定係新鮮蝦, 口感唔錯, 第四樣係花膠鮑魚, 花膠同鮑魚都做得好好, 好入味, 爽口彈牙, 第五樣係先上小蔥伴麵, 如果呢個麵有少少辣同加少少肉碎會仲好食,  第六樣就係期待很久既北京填鴨, 可能大多數客人都係叫呢個主菜,  可能太耐無做晚市, 加上每枱都 order 北京填鴨, 等既時間係耐左 D , 而且可能包填鴨既皮都一早做好放左係出面, 又無一個蒸爐熱住, 所以跟填鴨上到枱, 鴨肉無問題, 反而包皮就有 D 凍同乾乾地總括來講北京樓都有一定既水準, 尤其夜市停左

好耐無食過片皮鴨，今次係為左片皮鴨而來嘅。未到餐廳之前屋企人見到匯豐信用咭竟然做緊優惠，而且仲有我最想食嘅片皮鴨。呢個4人餐係正價嘅6折，又有片皮鴨食，再加上我地有5個人，呢個餐真係好吸引！用apps訂枱訂左8點，早左少少去拎位等左一陣就可以入座喇！侍應放低左個餐牌不過唔見有匯豐咭嘅優惠套餐，要開口問先放低個匯豐餐餐牌俾我地。匯豐嘅四人特價餐已經有小食又有片皮鴨又有湯仲有月餅做甜品，而且多人食叫餐就唔洗煩，所以睇左一陣都係叫匯豐特價四人餐，我地仲驚唔夠飽另外加左個蛋餅。首先上左個冷盤先，冷盤有杭州芳香素腐方同埋七里莊酒糟醉雞。素腐方係一層層，食落甜甜地，味道有d似腐皮壽司嘅腐皮，不過佢係千層腐皮。至於醉雞酒味唔算特別濃，肉質都OK，唔會覺得好嚡！北京宮爆蝦球雖然見到佢有乾嘅辣椒，不過味道一d都唔辣，係酸酸甜甜咁。蝦球都幾大隻，可以話係啖啖肉。雖然呢個係四人餐，但係份量都唔少，蝦球分完每人一舊仲有淨。至於餐以外加嘅蛋餅入面有好多蔥，炸得好香口而且蔥亦都好惹味，而且仲要好飽肚tim！蛋餅上枱時係岩岩炸起，真係好熱，不過又好好食。4人餐嘅燕液海皇羹可以分到5碗，通常跟餐嘅羹我都唔會有特別期望

今天是暑假最後一天，和家人出外吃餐開學飯，慶祝新的一年順順利利🍾💃🏻🕺🏻！過去這裡曾經是我家的飯堂，兩位年輕人在這裡留下不少童年回憶💕！幾年前這裡進行大規模的裝修，周圍沙塵滾滾，減低了到來逛的興致😟！今日舊地重遊，全因滙豐信用卡的優惠，選擇吃一次京菜，餐單上有幾款都是這裡的招牌菜式，值得一試6折指定晩膳4人套餐包括以下菜式：- 北京樓二小拼 杭州芳香素腐方/七里莊酒糟醉雞- 燕液海皇羹- 北京宮爆蝦球- 烤北京填鴨- 茶樹菇蒸魚方- 蒜子奶湯翡翠苗- 北京人家小蔥拌麵- 無錫灌湯小籠包- 美心迷你冰皮月餅北京樓二小拼－杭州芳香素腐方和七里莊酒糟醉雞，素腐方鹵得入味，醉鷄酒味香濃，齒頰留香，百食不厭！👆燕液海皇羹，蝦肉蟹肉鮮甜，足料每人一碗後尚可再添加少許的宮爆蝦球，蝦球爽脆、味鮮而微辣，十分和味烤北京填鴨，侍應片到冇停手，片好的鴨件尚有餘溫，皮脆肉嫩，加上薄餅煙韌，醬汁濃稠，吃來甘香豐腴，不知不覺間吃到飽了！又補充了不少膽固醇茶樹菇蒸魚方，魚味清淡，但配上豬肉絲和茶樹菇的濃味，卻又出奇的夾！蒜子奶湯翡翠苗，中規中矩！北京人家小蔥拌麵，將平實的食材－蔥，轉化為美味的佳餚！雖然個個都飽