一方燒肉

营业中

休息中

今日去利奧坊揾食，就在商場入口發現了一間新開日式燒肉店，裝修幾靚幾新淨，lunch免加一再有九折，攞住優惠去試新野，感覺特別抵😁。朋友喜歡食燒肉，所以點了午市燒肉套餐，自選一人前$158，8款肉類包括牛/豬/雞/羊，可選3項，選了A) 美國牛小排B) 肩胛小排C) 鹽燒牛脷。牛小排油花分佈均勻，肉味濃，肩胛小排和牛脷同樣是非常高質。套餐仲有前菜, 湯, 茶碗蒸, 白飯和甜品，非常豐富。我就試了店員介紹的新菜式- 北海丼$128，同樣跟配前菜, 湯, 茶碗蒸, 白飯和甜品。丼飯有8款北海度著名海產-三文魚, 油甘魚, 鰈魚, 八爪魚, 北寄貝, 赤蝦, 帆立貝和蟹子，全部都係優質嘅魚生，米飯又軟綿，十分推薦！

🙋🏻‍♂️餓底探員今日去咗大角咀調查呢間日式燒肉店，餐廳新開張，午市有定食同燒肉set選擇，食物高質，性格比高，座位闊落，坐得好舒適🥩自選一人前 $158🙋🏻‍♂️表示個自選一人前係燒肉set，可選三款肉，餓底㨂咗牛小排，肩胛小排同鹽燒牛舌，配上冷麵，前菜，味噌湯，茶碗蒸同甜品，牛小排牛味重，食落脂香多汁，肩胛小排食落軟腍，味道香濃，鹽燒牛舌厚切，食落爽彈有咬口🍱北海丼定食 $128🙋🏻‍♂️表示個丼飯好大碗，有多款魚生配料，三文魚，八爪魚，赤蝦，蟹棒，蟹籽，紫菜等，同樣配上前菜，味噌湯，茶碗蒸同甜品，魚生食落鮮甜，紫菜同蟹籽令個飯嘅口感層次提升，好味道⚠️定食嘅味噌湯甘香，茶碗蒸嫩滑，個甜品係荳沙丸子，食落煙韌香滑📈吃貨指數😋好味度 8/10🔙返啅度 8/10