i CREMERiA (已結業)

疫情之前去日本，最鍾意食呢類牛奶軟雪糕。周圍搵吓睇吓喺香港邊度食到，只可以望梅止渴一番（純粹係自我安慰😜)呢間甜品店有好多選擇，大部份都價錢唔算平，不過都幾有特色，例如哈密瓜雪糕，水果芭菲等等。聽到前面排隊嗰個因為有海港城coupon，就揀咗個三百幾蚊嘅半個哈密瓜+雪糕。我就冇coupon，試咗呢款北海道牛奶味雪糕，$45/支，可以選擇cone/cup😍 覺得都幾好食，個cone都脆脆地，啱曬口味👍🏻聽聞佢嘅綠茶味都好好食，下次要試吓先❤️

食完晚飯去食甜品，去咗食海港城間I cremeria，呢間甜品行中高檔路線，所以價錢唔算平，但之前食過佢嘅牛奶雪糕好好味，所以今次都忍唔住再食多次焦糖燉蛋可麗餅即叫即製，呢個甜品等咗差唔多20分鐘，面頭嗰層焦糖燉蛋好香口，入面仲有啲cream cheese，又脆又軟綿綿，多層次口感，好味！但唔好睇佢細細件咁，成個食哂飽咗～北海道牛奶雪糕🍦超香牛奶味，雪糕好軟滑， 底層仲配有有機玄米，加埋一齊食好好味，食完佢勁滿足

🍦💕-最近食雪糕有點上癮一星期內食左3次依間既北海道牛奶雪糕 $40每次黎到見到d鄰近國家既人食有金箔既仲會一買買幾個 都會感慨一下Σ('◉⌓◉’)-講返牛奶雪糕🍦食過sogo地庫個間同依一間比較起來好似依間大杯d~-覺得奶味好重~又唔會太甜同商場有另一間既牛奶雪糕好甜…依個就啱啱好而且唔會好快融可以慢慢食🤤佢連個雪糕筒都好食！-題外話有幾次見到d🤭🤭人麻鬼煩企係落order地方諗好耐但明明外面有menu都不禁燥底其實不如你諗好先行埋去啦好嗎而d姐姐都會俾我買先有點開心😈