遙

营业中

休息中

位於土瓜灣地鐵站B出口附近的一家日式料理裝修親民午市時間不會太擠擁！我更可以獨享一張面壁的自閉卡位☺️ 叫了十勝豚肉定食$66包沙律、味增湯！豚肉較厚身，醬汁比較濃，送飯一流👍🏻洋蔥煮得腍身但同時爽口！珍珠米粒粒分明，不過因為我鍾意軟身既飯，所以配汁後更岩我心水！最後仲送左雪糕糯米糍🥹66蚊包咁多野食，而且服務員係一個溫文爾雅叔叔，會好親切咁送野比你👍🏻成餐飯感覺好warm(*´∇｀*)一定會再幫襯！

麻甩專員繼續四出帶大家搵好野食，今日帶大家去土瓜灣站B出口一間唔太起眼既日式餐廳食lunch店內環境同座位屬於日式舊派設計，但座位舒適。老闆有禮貌，下次可以問下老闆係唔係日本人LUNCH SET MENU有分刺身魚生飯 / 拉麵,烏冬 / 熱炒定食價錢由最平$60 到 最貴 $168， 包餐前小沙律同埋麵豉湯同埋甜品(雪米糍一粒)專員叫左一份《十勝豚肉定食》$64店家先上麵豉湯同沙律比你食住等，大概等5分鐘就見到個餐送埋黎一碗細沙律淋上沙律醋非常開胃再加一豌麵豉湯，湯內有三文魚肉同昆布，味道豐富唔清淡，但又唔會得麵豉既死咸味道，非常好飲份主餐外表吸引，上檯時已經聞到熱炒既香氣，每片豚肉片有濃濃既醬汁包住，表面灑上蔥花同蔥白絲醬汁味道濃郁，唔會過份地咸，每啖夾住洋蔥同蔥絲食口感非常豐富有層次，依然可以食得出豚肉本身既肉味同少量油香食完飯後老闆會送上一粒迷你雪米糍(牛奶公司個隻😂)呢樣就唔評價啦但絕對睇得出店家有用心對待客人店內環境: 7/10食物外觀: 10/10食物味道: 9/10整體分數: 9/10翻食指數: 10/10專員表示呢間日式小店CP值超高，一定會再繼續幫襯