合時餐廳小廚

营业中

休息中

今日同朋友周圍去，去到坑口搵野食，搵下搵下就去到坑口村。見到好多人係度食飯，一枱一個煱，好多人都食緊羊腩煲，不過我地就無叫火煱，我地叫佐小菜。我地叫佐碟千層咕嚕肉同埋一碟蝦醬炒通菜。個碟千層咕嚕肉好夠味，我覺得醋味多佐少少，但佢比到驚喜我地。佢既咕嚕係真係千層ga，佢用半肥瘦豬肉卷埋，跟住先再炸。平時食既咕嚕肉都係淨豬肉，但呢個唔同，一層一層可以拉出黎，好有層次，要比個讚佢地，粒粒都好有心機整。仲有，佢地既啤酒小姐會記得我地係渣車黎，佢見有人黎炒牌，佢會特登黎同我地講，好多謝佢咁細心既照顧。

朋友夜收, 近佢開餐, 兩個人都係小炒啦...味道..唔係話超級好 ... 叫中中啦... 環境就茶餐廳門舖, 大排檔街位, .. 地道.地道... 千層咕嚕肉比較喜歡, 因為冇骨, 又脆脆地, 如果個醬汁再調一調, 會更好.. 水煮牛肉, 唔夠辣, 只得個紅, 食得辣既我... 唔LIKE LA... 蒜蓉豆苗.. 普通 .. 唔太差 

今晚好想食小炒，所以兩口子就到了坑口村我們點了:口水雞加辣 : 上枱的口水雞，賣相相當好， 麻辣汁紅紅的，連隔離枱的食客都好奇問是什麼菜，雞肉肉質都算滑，麻辣汁都好有麻味，不只是有色且有味的，只是雞皮多點毛千層咕嚕肉: 炒得好干身，咕嚕肉吃落真的好有層次感，外層仲好脆，而且不吝嗇，有齊青紅黃椒及波羅，汁又不會太酸，那麼有層次感相信是將咕嚕肉卷起加脆漿才炸，好味 金銀蛋莧菜: OK . 令人覺得有驚喜的咕嚕肉, 讚