天魔 (已結業)

嚟Victy想食lunch，見呢間小店大部分食評都有唔錯評價，於是就試下。餐廳係一田超市入面，位置唔算多。唔算太餓所以無揀二人餐，分別叫左兩個一人套餐。先嚟左前菜同漢堡加配嘅薯條，薯條啱啱整夠脆而且好厚身朱古力表面有奶泡好飲至尊漢堡揸上手都幾大，好難先咬到完整一啖🤣Burger好juicy，有洋蔥，大件又好味。最後嚟嘅千層面，面頭鋪左薯蓉，味道不過不失。整體質素幾好，值得一試，餐牌仲有其他野食例如豬肋骨想下次嚟試下👍🏻

因雨天🌦關係，想在Vcity找點小食，見openrice這間小店多人讚好，就去一試。原來在超市旁開了一間小食店，千層麵好吸引，店長有禮、貼心，見我地不知想食什麼，推介了千層麵及漢堡。麵包鬆軟，肉味道很好，美味。😍😋😋😋千層麵很愛食，這個不錯，美味。不過食物很快變涼，再加熱些就好。😍😋😋😋

唔講真係唔覺VCITY一田入面有呢間小店 - 天魔，通常只會留意到天仁茗茶，就算留意到都冇衝動去試，今次終於都去左食，兩個人叫左個套餐，簡2個MAIN+2個小食加2杯飲品（部分小食、MAIN需加錢），最後埋單$126。特別一提，佢地初一、十五有素食提供，好似而家聖誕就推出左素威靈頓，認真特別。千層麵★★★★☆份量啱啱好，唔會太多太少，千層麵加埋D細滑薯嘅蓉、肉醬、芝士，入口層次豐富，但又唔會過分奶同太芝士，唔會食幾啖就覺得太膩同濟。肉醬分佈得好平均，味道幾好，但個人覺得如果可以再酸少少就更加惹味，推介推介。韓式炸雞漢堡★★★★☆個包真心有驚喜、誠意，個麵包有烘熱，食落係酥脆，唔係普通好淋嘅麵包。同埋意外地個炸雞、泡菜放落漢堡都幾夾，韓式炸雞外脆內JUICY唔乾身，泡菜酸酸地，加埋個沙律醬、蕃茄塊好夾。食落開胃又好味，正~朱古力Brownie★★★☆☆套餐入面加$5，入口個口感比較濕潤，唔知係咪放左入雪櫃。但食落都唔會太甜同太膩，重朱古力味，味道Overall正常。🌟總括：食物有誠意，味道好，服務好，價錢合理，絕對會ENCORE，值得支持嘅一間小店。

有fd食過V city地下嘅天魔，讚性價比高。放工近近地就去食下。店員見到我同bff咁迷惘唔知食咩，就好細心問我地想食意粉定包。（一路食原來都好多人遇到咁嘅難題，店員好好咁逐一問佢哋喜好，作出介紹）。最後叫到成枱美食。千層麵伴隨着啲薯蓉，口感豐富。特別好欣賞佢個肉醬調味得好好，有好濃嘅香草味。面頭仲有烤過嘅芝士。肉醬、薯蓉、千層麵比例完美，唔會膩。韓式XXL三文治，非常厚身，唔可以一啖食晒。餡料好足，有香煎午餐肉、椰菜洋蔥蛋餅、火腿、蕃茄、椰菜泡菜沙律、芝士。最特別係蛋餅，喺眾多爽脆嘅餡料入邊，帶出綿綿嘅口感。連椰菜都有兩個煮法，好有心思。由於有好多蔬菜，所以食落清新。雞翼炸得香脆，醬汁base用咗Tabasco，辣辣地惹味。朱古力Brownie口感濕嫩，唔會太甜。飲品方面，BFF點左冬日之選，暖粒粒嘅紫薯咖啡。面頭有一層紫薯粉好粉嫩，飲落淡淡的紫薯味，唔會喧賓奪主。Dirty，咖啡底唔錯，比較nutty。記住飲嘅時候大啖啲，就可以飲到咖啡同埋鮮奶。估唔到呢間細細餐廳對咖啡都好認真、執着。咁有心嘅餐廳，值得再食。

呢間小店係屯門vcity 一個唔多起眼嘅位置，位於一田超市天仁茗茶嘅隔離，係好奇心驅使下，膽粗粗就試吓呢間小店，估唔到又幾好食喎😋【韓式XXL 治】$48（最推介）份量十足，內有蛋、火腿、午餐肉、蕃茄，非常厚！三文治外層係烘過，脆脆地，最中意係佢嘅餡，佢嘅蛋係加左椰菜一齊煎，咬落去爆蛋汁，重有蕃茄，食落唔會勁大陣泡菜味，但又保留到泡菜嘅爽脆，食落感覺係清新健康。【千層麵】$58入面有新鮮蕃茄，重有滿滿肉醬，味道濃郁，加埋d芝士，小小一份都好夠飽，最欣賞佢千層麵四周有薯蓉，就算剩左d肉醬，都可以撈埋薯蓉食，正！😚【炸雞翼】+$10小店嘅肉類都係慢煮嘅，雞翼本身經過慢煮，所以好嫩好juicy ，炸粉就係滿滿包圍外層，我覺得可以薄返少少，醬汁係水牛城雞翼嘅味。加$10有兩隻雞翼係幾抵食嘅！【朱古力布朗尼】+$10濃濃朱古力味，係水準之上嘅布朗尼，軟硬適中！唔錯！【Latte】、【Chocolate 】各+$10Latte 啡味比較重，都幾滑。朱古力唔會過甜，都幾好飲！值得一提係小店嘅老闆好nice，佢會問下客人覺得食物點樣，見到有個小朋友買朱古力飲，佢都會問下小朋友覺得朱古力會唔會太甜、味道

天魔開左一段時間，網上食評都講到唔錯，今次路過就嗌兩個外賣返去試吓千層麵$58用咗支多多及佢嘅漢堡來做對比，你就睇到千層麵嘅份量有幾多只有中間嘅位置係有千層麵，圍邊嘅有薯蓉，份量不多，肉醬味道都不錯，薯蓉好滑，用OpenRice外賣自取有折頭，實際$49，都係偏貴，因為份量真係太少喇，食一個唔夠飽要食埋個漢堡至尊漢堡$48個漢堡整體都唔錯，好味道，夠大個，OpenRice外賣自取有折頭，實際$41