李家 (華發大廈)

营业中

休息中

呢間位於灣仔嘅韓式炸雞店，聽講係元祖級炸雞店，呢日就嚟睇睇佢有咩好食😋半半炸雞一份有齊原味同甜辣兩款口味，無骨炸雞外層炸得乾身，唔油膩，肉質嫩滑，充滿肉汁🍗 甜辣口味可以話係韓式經典滋味，大家可以一試。韓式大牛排骨湯份量充足，上檯時仍然係熱辣辣🍲 大牛排骨湯入面嘅材料包括紅棗、人蔘、杞子、金菇、白蘿蔔、蛋絲、牛肉片、兩條大牛排骨同粉絲，非常足料👍🏻 特別鍾意大牛排骨，肉質軟腍，牛肉味香濃🐮 蘋果西打麗塔Apple Cider加上蘋果糖漿🍏 味道清新，甜度適中，配炸雞飲就啱晒。食咗兩款韓式主食，都感受到嗰種韓風，炸雞香脆可口，排骨湯就養生暖胃，兩款都幾好味🤤

呢度嘅炸雞以韓國老闆家傳秘方聞名，而且可以揀有骨或者無骨，非常正宗😋餐廳仲有提供唔少味道組合自由配搭，夠哂邪惡！除此之外，有唔少韓國小食同埋沙律，好吸引！半半炸雞叫咗無骨蜂蜜蒜蓉炸雞(半隻) ($118)🍯同埋無骨芝士味炸雞(半隻) ($118)🧀估唔到每樣半隻份量都好多！兩種口味都好正，炸雞拎上手熱辣辣蜂蜜蒜蓉醬甜甜地，好香同炸雞味道好夾😍食落一啲都唔覺得油膩；香濃芝士粉平均地鋪滿成隻炸雞，香味撲鼻而來炸雞外層炸粉唔會太厚👍🏻炸雞嫩滑juicy，超級惹味好滿足🥰芝士雞蛋卷 ($128)芝士雞蛋卷好厚實，蛋味香濃，入面包住滿滿嘅芝士，一切開芝士滿瀉！拉絲效果勁吸睛😍雞蛋卷夠滑溜，配埋茄汁好開胃同時減輕罪惡感🤣Apple Cider Rita (蘋果味) ($88)Corona Rita (檸檬味) ($88)

雖然香港有好多韓國餐廳，但我食過咁多間，都係始終覺得呢間老字號《李家》嘅菜式，整得最似韓國🇰🇷口味，亦都係最正宗💖食物《李家》無好似其他餐廳🍴咁，經常有d新款菜式，但係佢每款食物都長期keep住好有水準，是旦叫一樣都包補係水準之上😋半半炸雞（原味+甜辣）$178記得好多年前，香港啱啱興食韓國炸雞🐥嘅時候，d人成日都會去《李家》。咁多年之後，我再去食，結果都無令我失望❗️佢D雞炸得好夠鬆脆，d肉汁都好多👅大家亦都可以揀無骨同有骨🦴最重要嘅係個甜辣汁好濃味好juicy，真係好似係韓國食到嘅味道💕燒五花腩肉 $208 呢個五花腩肉都燒得好好食😋佢下面係個鐵板，所以食嘅時候keep住都好熱辣辣🔥，個脂肪同肉嘅比例啱啱好，再夾埋啲泡菜、辣蔥同甜醬，跟著撈埋個飯一齊食，就perfect啦😍如果我同朋友無行開附近，都差d唔記得咗《李家》🥹但我哋今次食完之後，我諗我都會keep住得閒去食💋

已經係第二次經🐼叫佢哋嘅外賣，兩次都好食🇰🇷👍🏻(食到一半先發現未影相😅)- 半半炸雞 -原味夠香脆，肉質都唔”鞋”👌🏻 不過就冇咩肉汁🤔甜辣味好惹味，啱我口味多啲，食完一件接一件呀😋份量方面，兩個人食都夠有突，CP值👌🏻- 泡菜湯套餐 -泡菜湯係我最鍾意👍🏻 $88套餐，好足料，仲有牛肉粒喺底，泡菜份量都好慷慨，好好食😋😋😋套餐仲有各種小菜，味道正正常常，勝在份量足，一個女仔食真係食唔晒🤣- 辣炒年糕 -味道正正常常，過下口癮嘅話都唔錯👌🏻(唔記得影相🤣)

呢間真係元祖級嘅韓國餐廳‼️ 同朋友想去幾次但成日滿座🫣 炸雞真係好食🐥有頗多分店 質素都幾平均 lunch set好抵下次試下💁🏻‍♀️❣️半半炸雞 有骨🍗❣️蜂蜜蒜蓉 x 青辣椒蛋黃醬 $113+118呢度好多唔同味道揀 唔使成日都係食甜辣醬味🤣 炸雞真係皮脆肉嫩 雞皮索索聲 醬汁沾滿晒成個表面🤤 好邪惡啊😈😈蜂蜜蒜蓉味好推薦 有好多蒜蓉同埋焗過嘅蒜粒🧄 加埋蜂蜜甜鹹甜鹹食落幾溫和*ˊᵕˋ)੭青辣椒呢個配搭好特別🌶 尤其配埋生洋蔥有點嗆辣~青辣椒係切碎混落蛋黃醬所以每啖都有😛 ❣️牛膝骨湯 $178食韓國嘢通常鍾意叫碗湯 係特別好飲‼️熬煮到白色 飲落有牛味又唔會太鹹 仲落咗紅棗杞子蛋絲感覺滋潤💯 裏面仲有唔少嘅牛筋牛肉 配飯都一流👍🏻🐄❣️Stella炸雞係要配啤酒🐥🐓🍺🍻

銅鑼灣宵夜必叫炸雞！ 炸雞一定係宵夜必備嘅朋友，配上一杯清爽嘅啤酒一定係最幸福嘅配搭，成件事好韓國啊🤤🤤好想去韓國🤣🤣 今次呢個係半半炸雞（雙拼） $227 （外賣app）一半甜辣醬，一半原味，仲有配菜：沙律同酸蘿白，仲有一罐7喜汽水。入口可能因為外賣嘅關係，外皮偏軟身，原味較軟身，而甜辣味都仲食到酥脆嘅。😋味道方面，好食接近外脆內軟，好juicy偏辣，原味比甜辣更辣但都食到停唔到口👍🏻👍🏻；我地食得辣都覺得好辣，食到個嘴紅紅😂😂