裕記大飯店

营业中

休息中

每次去深井食燒鵝，真係好滿足。從來唔會令你失望。因為啲燒鵝大大隻，每日新鮮出爐，聽講仲係用炭爐即燒即上枱。送上枱時，仲熱辣辣😋 燒鵝皮脆肉香，肥厚嫩滑 ，每一啖都充滿油香配埋特製酸梅醬，餸飯或瀨粉，一流👍🏻 好邪惡🤪但記住要根據個人口味，你可以同侍應姐姐/哥哥講要肥啲或瘦啲，雖然佢唔一定睬你，但試吓無妨，今次我就叫左肥少少，因為送飯始終要多啲油香先至正，如果食瀬粉我就會叫瘦少少，加多碟菜同湯，已經夠食😋

星期六晚去左深井裕記大飯店食燒鵝！7:00前到，5大1小唔駛等位即時入座，估唔到！環境就如一般中式飯店，尚算企理。叫左半隻燒鵝、蟹肉扒西蘭花、京都肉排、五福拼盤（滷水拼盤）、沙嗲金菇粉絲海皇煲。燒鵝外皮香脆，肉質唔鞋，點酸梅汁惹味。蟹肉扒西蘭花，西蘭花唔夠淋，個人比較喜歡淋身。京都肉排，豬扒夠淋，味道不俗。滷水拼盤各有特色，不過海蜇比較辣。沙嗲金菇粉絲海皇煲，比較失色，賣相一般。整體黎講都可以，不過以呢個價錢，仲要山長水遠入深井黎講，真係要考慮下。

心血來潮想食燒鵝,所以立刻駕車到深井,之前食過裕記,陳記,傅記,始終都覺得裕記最好食,去到後諗都唔駛諗就直接去裕記等位,那天雖然好多人,但我放底太太先去攞位,自己就去泊車,這裡每間燒鵝酒家都自設停車場,駕車去非常方便,泊好車後返到去再等一陣就已經有位了.燒鵝外皮燒得香脆,肉質軟淋有肉汁,而且鵝的份量也大,絕對係水準之作.鵝腸,鵝心肥美爽嫩,而且香口惹味,又有鑊氣.清清地,蝦肉和西蘭花都非常爽口.好味雖然$380一隻燒鵝,半隻要$190,比一般酒家都貴了一點,其他小菜都不便宜,但份量同味道都唔係一般酒家可比較,所以都非常值得,那晚我們食了一餐又滿足又好味的一餐.

白菜多利常常講「早起有蟲吃」, 今天一大早起床, 行了元荃古道頭半段, 三小時後終於到了深井, 可以大吃一餐. 先來一瓶啤酒. - 半隻燒鵝 : 鵝都幾肥, 鵝肉有點鞋, 但燒得好香. - 瀨粉 : 加燒鵝, 變了燒鵝瀨. - 鵝肝 : 酒味很濃, 口感軟滑. - 西檸魚塊 : 不是很脆, 一般啦.

難得有胖吉好興緻,一直說要去吃深井的裕記,可能因為在FB看到他日本的朋友的來香港玩時有去吃過.而他現在人住在香港卻沒去過,輸人不輸陣!居然還不到假日就願意專程跑去深井吃燒鵝,因為只有兩個人,只點了及兩瓶藍妹啤酒*先說燒鵝,兩人一致認同很好吃,多汁不死鹹。光不鹹這點就不知加多少分去了>170HK*尖椒炒鵝腸鵝心:好吃,香辣夠味有鑊氣。但鵝腸內的脂肪未清除,吃多了膩,只吃完了鵝心。55HK*裕記小炒皇:也是好吃,平常來吃夠清爽,吃光。但若是專程從台灣來吃就不夠有特色啦!70HK 因為是專程來吃燒鵝的,怕不能每個部位都吃到有失公正,故不點例牌而點半隻,再點兩個小炒。點菜的先生就說夠了夠了,怕我們再點會吃不完。實在很大心~不像上次去鏞記點了燒鵝,炒菜,湯,之後又一直要我們點叉燒頭,我說怕吃不完,還說不會不會,結果剩一堆。整個服務品質就LOW掉了,感覺很不老實,真不懂他們看到自己的料理,只被吃一半就要被丟掉都不會心疼嗎?裕記服務也加分!!有位小姐看我們一下講日文一下講中文的,還跑來問我們是哪裡來的,之後也主動親切的來說明什麼沾醬是沾什麼的。今天一

今日3條友係附近釣完魚就順路黎呢度一嚐佢ge燒鵝。首先黎半隻燒鵝,燒鵝的份量已足夠我地3人吃用,燒鵝的皮的確係脆,可惜的是有一兩塊皮被燒濃了,不過整體仍可接受,肉質都幾嫩，對比平時吃開的假燒鵝(燒鴨)呢度的質素好好多。腐乳炒通菜的味道又是另一道吸引的菜色，腐乳味都算濃,吃落辣味適中,唔會話大辣,通菜都好爽口,冇炒得過火。尖椒炒鵝腸鵝心的鵝心令我吃到停唔到口,果種爽口感不錯,加上果陣辣味,吃完好快又夾到件果位叔叔招呼好nice,又同我地傾計,出餐的時間都理想,總括今餐吃得都好愉快

2009年9月4日很久沒有同一大班朋友一起大吃大喝了, 今晚就黎開心吓,6大1小一行人到深井,當然要去裕記啦,點了: 半隻燒鵝 - 當然好味啦, 食完成餐飯, 剩餘兩件d皮重係脆, 個friend即刻order 1/4隻返屋企比家人試. 椒鹽鮮魷 - 個人覺得d漿粉比較厚, 但魷魚爽口. 豉椒鵝腸什 - 好味, 不過青椒洋蔥比較多. 碧綠翡翠豆腐 - 豆腐很滑, 好食. 上湯蒜子浸芥菜膽 - ok啦. 菠蘿咕嚕蝦球 - 甜酸適中, 啖啖肉, 好食. 蒜蓉白菜仔 - 無特別, 亦無要求, ok. 蒸西星 - 想蒸條魚食, 伙計介紹嘅, $450, 都掂.整體都很滿意,服務都很好. 埋單唔洗$1,100.在此多謝各位朋友賞面.