樂農 (已結業)

近半年開始實行Green Monday，加上一直都好欣賞樂農o既經營理念，所以時常去用膳。同媽子約好七點半，上到去餐廳大約坐滿八成，好在唔駛等位，好快就可以入座。南乳齋煲-每一次黎都會叫。可能係情意結關係，婆婆每年新年都會煮南乳齋，由細就喜歡呢個味道，所以呢個係賣飛佛 樂農o既齋煲整得唔錯，夠熱又夠入味，材料好足。茄子炆伊麵- portion好大，味道有d淡，我地食唔哂要打包。芋餅- Exactly個菜名唔係好記得 不過味道好好，媽子唔太好芋頭都話好味！做法應該係用紫菜包住芋蓉捲成卷狀再去炸。食時有好香芋頭味，中間有紫菜增加口感，唔會好粉。