鳴虎

营业中

休息中

嚟到將軍澳咁多次都未試過依間日式拉麵店！今日有時間要嚟試下先！同朋友入內待應好好招呼！店內未開始多人可以自由選擇位置坐！見到餐牌有套餐選擇，有配小食配埋飲品，可選擇麵既軟硬度，湯嘅濃度及味道，這店好細心！自由配搭！選了一款鳴虎濃湯拉麵係日本魚乾豬骨湯底既，第一口先飲湯，燶燶既豬骨味配上拉麵一流，另一碗係黑鳴虎濃湯拉麵係博多黑蒜油湯底！滿滿驚喜，選了濃湯，麵上有一層黑蒜油加上木耳和蔥花碎再加上一口麵！好似係日本食到拉麵既味道！仲有一大隻糖心蛋， 加上厚身的叉燒，口感好豐富喎！唔識形容！滿足！點了小食肉餃子，脆脆的一口滿滿餃子肉，試埋個鰹魚汁菠菜！賣相一流，可以打卡！唔係得個樣都好好味！雖然係小食份量都不小，抵讚！再配二支汽水！完美組合！好耐冇試過食日本拉麵會清晒個湯！大滿足！會再嚟試！好好推介！

放工總系想食碗熱湯麵 暖下肚得黎 又有啲澱粉質 幾有滿足感 見到新都城三期商場開左間新拉麵店🍜鳴虎就決定黎試下🦐蝦味噌豬骨湯拉麵 $88當拉麵上枱個陣 熱辣辣出曬煙 仲即刻聞到好香既櫻花蝦味👃🏼湯底顏色帶有微微既紅色 上面仲鋪滿左切碎左既葱花 木耳 五味粉 豚肉 唐心蛋 紫菜食拉麵一定系飲左湯先 湯底豬骨味濃郁 幾膠身 蝦味噌味道突出而吾會太搶麵質口感非常好 有嚼勁而且吾會太林 🧄博多黑蒜油拉麵 $88黑蒜味都好濃郁 聞落幾香 開曬胃除左湯底吾同左之外 其他材料都一樣叉燒有兩大塊 火炙過好香口 肥瘦適中👍🏻唐心蛋有成隻 的確吾錯 好多鋪頭都系得半隻 吾夠喉🤪火喉控制得好好 超流心💭麵底同材料既份量好足 食得好飽 湯底又非常好飲 價錢都合理 系值得一試既拉麵店🏅

鳴虎個名成日都聽得多，今次第一次黎食，簡簡單單只叫左兩碗拉麵，食返佢地既原汁原味。拉麵上檯賣相吾錯，香味俱全，第一啖緊係要飲個湯，湯底濃厚，我叫的是黑鳴虎- 博多黑蒜油拉麵，拉麵麵質軟硬適中，屬於幼身的麵條，掛湯能力也不錯，黑蒜油味道都吾錯，吾會話過分重味道而蓋過湯底本來的味道。叉燒肉有三片，味道還好，溏心蛋的味道淡口一點點得黎熟成度係會流心果種，值得一讚的是這裡給的是原隻溏心蛋！朋友叫的是鳴海老- 蝦味噌豬骨湯拉麵，味道一樣不錯，蝦的鮮味十足，風味一流。整體來講，還不錯，下次黎試吓其他食物。

喺一田門口有好幾間食店, 我地俾li間拉麵店嘅poster吸引左. 因為店家現正舉行🍜一田鳴虎限定🍜拉麵挑戰賽👉🏻只要係限時內食完2碗份量大嘅鳴虎‧拉麵🍜，而每Group最快食完嘅頭6個，除咗入決賽同獲取一張500蚊嘅YATA一田cash coupon &獎品之外，仲有機會獲得高達2000蚊或以上嘅終極獎品🎁🎁🎁！🍜但自問唔係大胃工嘅我地都係做觀賽比較適合🤭.🍜博多黑蒜油拉麵九洲嘅豬骨濃湯, 加上濃香得黎又健康好多嘅黑蒜, 湯底非常之掛麵, 拉麵新鮮有口感. 啱哂鐘意濃湯嘅人, 日式叉燒大塊厚肉, 燒到好香呢, 份量足, 推介!🍜四國香葱油拉麵葱! 全部都係香葱好香呢, 選用四國出產嘅香葱油, 加入濃香豬骨濃湯, 溏心蛋蛋黃做得好好味. 每一啖都係勁多香葱, 簡簡單單又一餐.🤤順帶一題大胃王challange嘅參加方法啦! 黎一田超市(沙田/北角/將軍澳店)鳴虎店LIKE & SHARE指定post就可以參加啦, 即使挑戰唔成功都有返$50 coupon送返架(即係成件事只係俾一碗拉麵嘅$$$)gogogo.

🌕Hello我係Moon🌕最近天氣真係熱，唔知點解天氣越熱我就越想食啲重口味嘅嘢😂最好就係辣辣地重口味又飽肚嘅嘢食啦😤問咗朋友想食咩，😙佢話想食啲麵類，😉我哋決定喺附近行吓睇吓有咩啱食😏最後搵到依間餐廳，😳感覺熟口熟面。😆上網睇返原來依間餐廳喺其他地方都有分店，😌價錢都唔貴，😏有飯又有面仲有小食添！😆我同朋友就決定喺呢度食啦，😜因為已經過咗午餐時間又未到晚餐時間，🧐所以唔使等位上菜速度亦都好快！😎我同朋友一人嗌咗一碗拉麵🍜另外仲叫咗一份小食！赤虎，濃厚辛口拉麵🍜呢碗拉麵就係我嘅，湯底又真係幾辣，🤓不過就真係啱晒我啦！😎湯底濃郁而且夠味，🤩麵條份量都幾足夠，都有掛汁！🤩要拉麵上面仲會有大片嘅叉燒同埋一隻糖心蛋！😋糖心蛋做得幾好，😚咬落去真係會有流心嘅感覺，😏一啖拉麵再配埋一啖蛋液，真係好頂癮😂朋友就嗌左 黑鳴虎，🤓呢碗就係博多黑蒜油拉麵🍜朋友俾咗我少少試吓，😏感覺都唔錯，黑蒜油味道好香！🥳肉餃子係有驚喜，😉價錢抵食，每一粒餃子都係真材實料好飽滿，😍亦都做到外脆內軟，好好味！😋🌕最後MoonMoon真係好滿意依間日式料理店，份量足夠而且湯底亦都做得好好🌕

昨天因為有公事需要到寶琳，發現在新都城中心三期有一間清新裝修風格的日式拉麵店。整間拉麵店外牆都有新鮮水耕菜，富有特色。店舖主打5款特式拉麵，分別為“赤虎”、“鳴虎”、“綠虎”、“黑鳴虎”及“鳴海老”。⭐️和歌山燒鯖魚丼$58鯖魚營養價值非常高，而且含有豐富油脂。鯖魚味道濃厚甘甜，非常適合拌飯，另外還舖上飯素。⭐️博多黑蒜油拉麵$88香濃惹味黑蒜味湯底，配有黑木耳、叉燒、流心蛋及紫菜等。幼細麵條，非常掛湯；厚切叉燒軟熟入味，兩大塊兼且肥瘦適中。⭐️吉列大蝦$38外層炸得金黃鬆脆，蝦肉鮮甜及彈牙，完全不覺得油膩，簡直令人食不停口。⭐️芝士魚餅拼魚條$38半溶芝士夾在魚餅中間，相配得宜；魚條內亦有芝士及粟米，味道剛好；對於我作為一個芝士控，實是一個不可多得的選擇。