呼吸冰室 (已結業)

諗住深水埗都冇咩好食，點知搵到呢間係美荷樓的cafe, 個環境幾好，可能係平日夜晚，唔多人同好悠靜。入到仲有好多位，諗住叫野食但又搵唔到餐牌，原來個餐牌係個牆到。 個波蛋早餐都OKAY，但係薯仔就硬得濟，個醬就唔夠濃。意粉好味，但個湯唔夠濃，總體食物味道okay。呢度係傾計的好地方，傾到口乾咁濟仲有得自己斟水飲，同埋自己收餐盤。基本上D waitress係唔會serve你，我覺得咁都冇咩唔好，自己郁下冇所謂。

見食評影啲相咁吸引所以過黎試下，而且同屋企咁近。地方唔難搵，但見到個餐牌真係嚇親！價錢都幾貴下，喺呢度食一個飯最少都要$60。如果我唔係只係試下，否則我係唔會食。餐廳環境無真係非常好，裝修非常懷舊，我都好鍾意。但我今次食嘅卡邦尼意粉真係好難食！個湯夠味，但真係勁稀，似飲水多過飲湯。意粉淡而無味，我甚至要倒少少湯去意粉調味。總括黎講呢度啲野食價錢好貴，只有下午茶兩點半有半價外，其實真係一啲都唔抵食，甚至價錢根本一啲都唔值。下次會試下呢度嘅下午茶，希望唔會失望。