Da Filippo Trattoria (已結業)

佢係好多人幫襯嘅一間餐廳 見到好多人都話好食於是去咗叫三個set 試吓前菜我哋分別三個都覺得只有牛油果吞拿魚沙律好好食和牛他他表現好普通巴馬臣火腿太過鹹亦都冇乜火腿味主菜叫咗佢哋出名嘅手工意粉卡邦尼 表現一樣都係普通 冇其他食評講到咁好食 有少少失望另外叫咗個牛扒 一開始我哋叫五成熟嚟到係全熟 於是叫咗侍應去玩 未到上面呢個表現算唔錯 但係都係預期內嘅味 正常餐廳煎牛扒嘅味道 豬肋骨 呢個非常好食 多肉汁而且非常嫩口 佢應該係成餐飯最好食嘅一道餸 跟住就到甜品啦 個人認為佢啲甜品做得比較好依三款都唔錯 可以一試

今日同屋企人去咗食晚市 三個人所以一共嗌咗三個主食，另外叫咗一個Pizza share同埋一個濃湯🍲入到去餐廳環境坐嘅空間都幾闊落，但因為人比較多所以都比較嘈雜，坐得舒服定係傾偈就唔太適合了。首先上咗個龍蝦濃湯，好似都要七八十蚊，唔係好記得🤔但真心好好飲！非常之濃郁而且龍蝦肉都俾得唔少，鍾意食龍蝦嘅真係必點，下次有機會再嚟想飲湯嘅話一定會再嗌！（唔記得影相🤣）然後到嘅就係pizza，上到嚟熱辣辣啲芝士仲流緊，一樣係份量比得好足，風乾火腿有好多塊，而且超好食！軟硬適中，唔會太脆或者太冧，係真係好好食！必點！然後我自己就要咗卡邦尼意粉，醬汁係偏濃郁重蛋黃味嗰種，比較結身唔係水水地嗰種汁。但個人覺得佢意粉偏硬同埋粗，唔係個個鍾意～我就麻麻哋，但絕對唔係難食嘅！有一定水準老竇點左羊架，分量OK但係味道就純粹不過不失，真係冇乜特別娘親就嗌咗牛扒，呢個就真係有點失望😞明明嗌咗五成熟嚟到差不多八成熟，feel到舊扒本身質素唔差，所以真係幾可惜。其實羊架都有同樣問題，明明冇嗌咁熟嚟到都係偏熟🤔所以相信都唔係個別問題😫最後真係要講一講，呢間野所有菜式嘅調味都偏鹹，平時我已經好食得鹹，但我食呢餐真係瘋狂飲

一到餐廳門口感覺幾大，聲稱有意大利米芝蓮星級名廚坐鎮 ，再加埋有海港城coupon所以專程老遠來試一下。龍蝦湯一入口，爆咸同乸喉嚨感覺，一啲龍蝦嘅味道都feel 唔到，失望 ><🤷🏼‍♂️👎🏼再嚟龍蝦意大利飯一樣感覺唔到有龍蝦味，食落味道只係似普通蕃茄燴飯，又失望 ><跟住再哂卡邦尼意粉，明顯溫度唔太熱，因為汁太多所以少少偏咸，但冇網上寫到神級咁正，整體唔錯。😋👍🏻至於Espresso tonic啡底本身唔得，所以感覺很奇怪唔自然👎🏼Tiramisu由於冇落咖啡酒，所以味道就係欠缺咖啡酒嘅味道，感覺太普通🤷🏼‍♂️整體嚟講哩個價錢就唔值，CP值偏低，座位唔舒服比近廚房門口位，經常畀人撞或踢椅背，非常之騷擾， 還有請太多炒散侍應生，服務非常差掉碟上枱，收碟晦氣，唔會有下次，如正價食有好多選擇。🤷🏼‍♂️🤦🏽‍♂️👎🏼👎🏼