Dog99 Coffee

营业中

休息中

店舖較細，疫情期間，店內容納兩位。另外，設有4個室外座位。24/7咖啡店概念，質素都不俗。樓面，廚房，沖咖啡，收銀由一位員工一腳踢，犀利。可惜餐具同咖啡杯都係即棄，唔環保。.🔸Dog99 全日早餐($88)分數: (7.9/10)份量睇落較少，食落都夠飽。法蘭克福腸，少少辣，好惹味。蔬菜薯餅同某傢俬店味道相似，入面有好多西蘭花。牛角酥好鬆脆，煙肉就咁食好鹹，有啲硬。.🔸卡邦尼意粉($68)分數: (7.8/10)睇個樣以為heahea地，原來都幾好食。卡邦尼醬夠thick夠creamy，意粉有咬口。.🔸Latte($38)🔸Americano($38) 小店提供兩款咖啡，客人可根據自己口味作出選擇。

嚟到深水埗，到底食咩好？搵到呢間特式誠實小店 廿四小時咖啡店☕️店長誠意手沖咖啡 介紹我哋飲咩好會推介你邊隻咖啡豆 酸啲 或者 fruity 啲未食午餐 試埋佢哋嘅 All day breakfast 同卡邦尼意粉最推介嘅真係 Coffee ☕️ 店長拎過咖啡比賽 獎項（枱面有個獎盃🏆 無影低🙈）我叫咗杯拉花嘅 熱Latte 其實我都唔知咩豆嚟 都係店長推介 一隻唔酸嘅咖啡豆拉花好靚 好羨慕啲人識沖咖啡☺️呢杯好飲 濃濃嘅咖啡香味另外朋友點咗一杯 酸度較高嘅咖啡☕️係圖中玻璃壺裝住個隻 再倒落細杯仔到飲呢隻酸啲 不過幾特別食物方面嗌咗一個All day breakfast 唔錯👍🏻炒蛋都好食 同埋有個蘑菇茸咁嘅嘢有得揀牛角酥 定係 Cup cake最後卡邦尼意粉🍝超濃郁嘅芝士味定係白汁醬好邪惡 但好好味😋因為飽咗所以無試到其他cake🍰 但見到都幾靚 下次經過可以再試吓😂店細細 都唔少人幫襯同外賣如果住深水埗嘅朋友 或者經過都可以去飲杯咖啡 ☕️ 感受下慢活嘅悠閒

聽聞深水埗開左間通宵咖啡店，特登相約朋友一齊去睇睇，不過去的當日大約7點左右，客人不多。咖啡店小店經營，環境乾淨，而且價錢相宜，我同朋友都選擇了特色凍茶，分別係柚子同芒果熱情果，我自己十分喜歡芒果熱情果凍茶，酸酸甜甜的，好好飲，另外點左卡邦尼意粉同埋炸薯角，意粉好食，而且賣相漂亮，薯角則不過不失。店舖內面只有高櫈，容納人數不多而且去的當天落好大雨，如果無落雨的話，店主應該會係店外面的地方再開枱櫈。