Studio Caffeine (廟街)

营业中

休息中

朋友請食既生日飯，碟卡邦尼係我食過最濃最好食既卡邦尼，啖啖都有好多汁但唔會膩。鐘意食辣既一定要叫冬陰功海蝦意粉，因為真係夠辣同有泰式冬陰功既味道，食到流晒汗好爽，海蝦好大隻同埋夠新鮮。all day breakfast 都係果d 材料但個包應該係特製，味道好出色，整體超滿意呢餐，服務亦好好，一定要encore 試埋其他野！

本身都係喺openrice搵到呢間餐廳 參考咗其他食評決定叫一個怪獸全日早餐同卡邦尼意粉 仲有一杯燒榛子鮮奶咖啡其實個人唔係好鐘意食全日早餐 因為好難做得突出 呢份全日早餐有做得好既地方 都有唔好既地方 比較好既係薯蓉 有淡淡既菇菌香味 而有改善空間既係蛋太鹹喇 其餘如茄汁豆等都係買番黎既野 好難話特別好同唔好反而個意粉係幾好食濃稠度啱啱好 足夠黏附喺意粉上面又唔會一舊舊咁 本身個人唔食生蛋 但無可否認撈咗落去有小小蛋味係香咗同滑咗 值得一食本來晚餐唔諗住飲咖啡 因為怕瞓唔着 同埋同行既唔太飲得奶 但見到佢地既咖啡好似好專業咁 所以最後都要咗杯燒榛子鮮奶咖啡飲落好滑 好香榛子味 飲完口腔中冇酸味 咖啡佢有唔少選擇 未必寫晒喺牆上 記得問攞餐牌黎睇

出來社會工作之後見識多咗,亦會放多時間和屋企人出去吃不同美食，早前和屋企人在佐敦行街,在吴松街發現這間cafe,就和屋企人入去試下這間cafe,我們入去之後。我就点了卡邦尼意粉和綠茶鮮奶咖啡，屋企人点全日早餐，我点個份卡邦尼意粉覺得好好味,味道又不太咸，芝土味好重 ,我覺得好夠食,綠茶鮮奶咖啡就一般,綠茶味道好濃反而鮮奶味好少,令到咖啡苦澀味好重,服務亦幾好,店員送餐好快送上，環境都OK ,整體感覺幾好味道:卡邦尼意粉好重芝土味,味道不會太咸,咖啡就一般環境:地方適中,座位亦舒適服務:我覺得服務都OK價錢:平均90元一位可以接受