益記小館

营业中

休息中

食晏到處都要排隊，唯有去d樓上餐廳食，去到冇咩人，好快有位，叫左個印尼炒飯套餐，$98再加一，都幾貴，如果12:40 前離座就有9折。印尼炒飯幾好食，有一塊好大塊脆餅，個味幾正宗，飯就冇咩味，好彩有一碟仔辣醬送飯，仲有兩條沙嗲串燒，沙嗲味都唔錯，唔係太鹹，另外有一隻炸雞翼，不過唔係好夾。呢個套餐包飲品，我叫左一杯熱薏米水，正常味道，唔甜，仲有一碗沙，係青紅蘿蔔湯，都幾好飲。

夜晚係中環上完堂，同group mate 想隨便搵間餐廳食個飯，係街見到有個姐姐派傳單，就上去試下。我地一行四人叫左個5人份既肉骨茶，印尼炒飯套餐，黑胡椒檸蜜雞煲套餐，串燒半打，馬拉盞通菜，椰青。打開menu諗唔到叫咩個陣，諗住係open rice睇下有無推薦啦，點知見到好多都話服務唔太好，都擔心會好伏。不過，唔知係咪因爲我地入坐個陣無乜人，侍應好主動問我地洗唔洗幫手分左d肉骨茶，又幾次同我地講個肉骨肉可以免費refill...之後我地成餐飯食左幾個鐘都無人趕我地，所以對佢地既服務都覺得係ok既。