羊蹄山

唔知有冇人同我一樣，平時都好驚羊肉嘅羶味🫢 但最近發掘左一間銅鑼灣嘅新餐廳，佢係專食嚟自北海道嘅成吉思汗烤羊肉，打破咗我一貫對羊肉嘅抗拒，竟然覺得好好食😋 呢種烤肉係以洋蔥圍住個邊，一邊烤肉，啲肉汁就會一邊流落啲洋蔥到，食落勁juicy勁甜！見到限定呢個字，就忍唔住嗌咗碗嚟試吓😆 呢個湯有啲似羊肉版嘅清湯腩，據說係用咗1/4隻羊同熬製咗20小時而製成，個湯飲落充滿羊嘅鮮味，仲有啲白蘿蔔，好腍好甜😌所有嘅烤肉都有店員幫手燒，唔怕燒得唔熟或者過燶🫢 呢個羊頸柳係人氣之選，食落幾厚身又有咬口，仲有唔少肉汁，最緊要係唔會太羶但又食到羊嘅鮮味😋 點埋佢地自家製嘅醬汁，好唔錯！而羊西冷亦係另一款人氣之選，店員話西冷要以大火燒先可以鎖住肉汁😌 果然，食落去特別juicy，而且羊味濃而唔羶，推薦呢個點少少鹽食，特別惹味🤤 非常推介！呢度除咗出名食羊，仲有和牛食添，平時食燒肉都一定會嗌牛舌食，今次都唔例外😝 佢嘅牛舌芯無論色澤同紋理都超靚，仲好厚身🫢 食落口超級軟腍，好鍾意呢個口感😋 點埋由蘋果同菠蘿特製而成嘅和牛醬汁，食落特別清新解膩！同樣都係限定嘅菜式，呢個餃子係餐廳一手一腳親自整既，入面嘅羊肉打到好碎，令到餃子食落超級多汁🤩 內裡餡料仲有蓮藕粒同芹菜，男友表示好鍾意！呢個咖喱烏冬都幾特別，第一次食呢啲combination，咖喱同羊肉真係好夾😌 個烏冬仲用咗稻庭烏冬，食落好爽口！餐廳仲推介我哋加少少全世界第七辣嘅辣椒粉，我哋覺得更能帶出咖喱嘅香味，整體都幾唔錯🉐…查看更多

銅鑼灣·高質北海道成吉思汗風燒肉羊蹄山 Mt. Yotei📍銅鑼灣駱克道487-489號駱克駅26樓➰眾所周知，富士山是日本人心目中的聖山，更是許多旅人十分嚮往的景點，每年吸引數百萬人朝聖，而在北海道，同樣有一座因為酷似富士山而聞名的名山羊蹄山，並稱之為「蝦夷富士」，位於滑雪聖地二世谷周邊，回想邊滑雪邊晀望羊蹄山，就好比看著富士山一般，更令人心曠神怡，滑雪過後晚上食一頓滋味燒肉及泡溫泉消除疲勞，滿足無比，令人恨不得馬上訂機票再來一趟雪國之旅。.回到正題，正正對北海道之旅的回憶思念，今日到訪的餐廳是香港少見主打成吉思汗風的燒肉餐廳，新張營業不久，更用上北海道名山「羊蹄山」為名。餐廳位於銅鑼灣站旁約兩分鐘路程，地點非常方便，餐廳以半開放式吧枱間隔，牆身掛滿一列酒藏，每張枱亦設有成吉思汗燒肉專用的燒爐，將北海道的元素完全帶到香港，亦有兩間塌塌米式私人廂房，充滿日式元素，而店內燈光柔和，氣氛雅致，更是聚會的好場地。.➰𖥕前菜-淡路島洋蔥沙律 ⭐️4/5⭐️侍應安排我們就座後亦介紹了餐廳特色，隨即送上淡路島產的洋蔥沙律，與平時食到的洋蔥完全不同，味道非常清甜，是日本特有的風味。.✥羊啼山羊肉湯(限定) 💲118  ⭐️4.1/5⭐️先點上一碗推介的羊肉湯，侍應講解羊肉湯用上黑草羊熬製二十多小時而成，湯頭清澈而味濃，上枱時香氣四溢，但與北海道的羊肉一樣，完全沒有羊羶味，入口順喉暖胃，十分滋味。.✥自家製羊肉餃子(限定)💲78 ⭐️4.1/5⭐️同樣是人氣推介的羊肉餃子，煎得外脆內嫩，羊肉內餡細膩嫩滑，點上餃子汁更為開胃，用作送酒小食非常推介。.❀羊頸柳 💲158⭐️4.2/5⭐️❀羊臂肉 💲168⭐️4.3/5⭐️在北海道成吉思汗燒肉的精髓主打不同嫩滑肥美而且完全不羶的羊肉，令人一試難忘。侍應先是倒上自家調製的成吉思汗醬汁，然後為我們鋪上淡路島洋蔥作伴菜，與待會的肉汁混合之後，味道更提昇一個層次，令我們大飽口福。.餐廳供應多款不同部位的羊肉，我們挑選了人氣推介的羊頸柳和羊臂肉，前者取自頸間脖子肉，肥瘦兼具，入口肉質柔軟口感豐厚;後者肉味濃郁，頂部被一層薄薄的油脂包住，可同時間享受油香與肉香的滋味。.❀厚切和牛牛舌芯 💲78/1件 ⭐️4.3/5⭐️完全不食羊肉的朋友也不用擔心，餐廳亦有供應北海道的另一款名物-十勝豚肉，亦有佐賀和牛等任君選擇。作為牛舌控，我們一眼便點選這款人氣的厚切和牛牛舌芯，上枱肉眼可見的厚切牛舌芯油花分佈十分誘人，燒至兩邊焦香，入口爽嫩肥美，令人欲罷不能，必試推薦。.✥羊啼山羊肉咖哩飯 💲168 ⭐️4.3/5⭐主食方面點了羊肉咖哩飯，出乎意料令我們非常驚喜，餐廳自家調配的咖哩醬汁十分出色，配合羊肉絲的細膩嫩滑，更用上北海道夢美人米精心炮製，各種材料配合得相得益彰，每啖咖哩飯入口都非常惹味，侍應更推介可以加上秘製辣粉，令味道層次更為昇華。.✥威士忌梳打 💲68 ⭐️4.1/5⭐燒肉當然要與朋友舉杯盡興，餐廳亦提供不同款式調酒及無酒精飲品供客人挑選。.➰總結餐廳以北海道傳統鄉土料理的成吉思汗燒肉作主打，在香港市面上十分少見，食物水準方面令人喜出望外，完全有置身於北海道的回憶美味，而且侍應經理及廚師們都十分熱情好客，亦會主動幫助客人燒肉及講解食材特點，餐廳整晚可見氣氛融洽，客人們都與店員談笑風生，推薦給一嚐高質北海道成吉思汗風燒肉的朋友，實在不容錯過。.➿➿➿#羊蹄山 #MtYotei#銅鑼灣美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#羊啼山羊肉湯#羊頸柳 #羊臂肉 #厚切和牛牛舌芯#羊啼山羊肉咖哩飯.…查看更多