李家 (已搬遷) 新店位置

本身同男友諗住返大埔食肯德基，但突然醒起尖沙咀有李家，把心一横走去買外賣回家嘆。由於車程都需要一段時間，所以都預咗不會好似堂食咁熱辣辣，幸好有鍚紙既保溫，仲有微暖，但食到一半，我同男友都發覺除咗两隻雞翼及雞鎚之外，點解全部都係胸嚟既！？而且仲好乾呀，好似食緊煲完湯d瘦肉咁！希望佢地之後會改善一吓喇！

個兄弟唔開心問我可唔可以出去傾下計， 我當然一口答應啦。 我地唔係去酒吧反而去左一間韓式炸雞店到，一路食炸雞一路飲啤酒。 其實都幾特別仲好爽tim..前菜有d醃製白蘿蔔，仲有d野椰菜絲沙律。 醃製的白蘿蔔出奇地好食，因為有香甜的蘿蔔味但係又有酸酸地既醋味。好開胃我地叫左原味既炸雞，外層炸得香脆可口，而且入面既肉質有嫩滑。 兩兄弟一路飲，一路食炸雞，一路傾心事。 有美食之餘又可以陪到兄弟，一舉兩得！

星期五晚梗系去食餐好，一早知道李家人氣旺盛，要排幾個鐘隊，唔想等既話梗系準時收工過去食，6點3人齊到達，限時90分鐘，一行3人，叫2樣野食岩岩好原味炸雞，$150依舊出色，大大份，原味都有少少辣，另配上甜辣醬，點上後更惹味，炸雞仍舊的滑，雞皮炸得香脆，唔會食到成口油拼盤臘腸，$180老實的覺得價錢有點貴，拼盤腸只係幾種唔同款既脆皮腸拼薯條，配汁有茄汁及芥辣

朋友帶到吃個早的晚飯, 聽聞這陣子這店很紅, 經常排隊至對面馬路, 那麼誇張!看似幾大塊的泡菜餅, 薄薄的, 少許脆, 但味不很濃, 上面有幾條魷魚等海鮮, 整體不過不失原味炸雞真是沒有特色, 沒有驚喜, 跟一般炸雞店的無異, 炸粉算厚, 但感覺較酥炸又有沒驚喜沒特的炸雞, 味道隨處可吃到, 很失望賣相很豐富, 有幾隻青口, 魷魚, 蝦等, 但不用期望是什麼新鮮貨, 以芝士及茄味焗的年糕, 不知是西式還是韓式還是自製fusion,有點創新但奇怪, 更奇的是, 除了底層有年糕外, 竟然還有烏冬, 真令人摸不著頭腦!服務一般, 沒什麼impressive, 到此一遊, 沒有下次