利強記北角雞蛋仔

营业中

休息中

最近天氣真係凍到傻，好彩今日無落雨，如果唔係就更凍🥶 為左唔好俾自己凍親，都係間唔時食番啲熱野保暖😂 今日途經呢間雞蛋仔鋪，俾佢既蛋香味吸引左，所以都係買番一底雞蛋仔黎食😋原味雞蛋仔 ($25)都係果句，熱辣辣既雞蛋仔最好味🤤 外脆內軟，勁有蛋香又唔會太甜。整體黎講都幾好食的，不過店主整雞蛋仔既時候，應該未放正個模，出到黎成底都係歪的，有d影響外觀同口感。同埋佢既價錢比其他競爭對手(e.g. 媽咪雞蛋仔)貴$5，我會相對有高少少既期望🤏🏻等緊雞蛋仔既時候望到鋪頭貼滿左店主同明星既合照，全盛時期既北角雞蛋仔，真係好出名。不過宜家實在有太多人賣特色雞蛋仔了，呢d老店好似無左昔日既輝煌成績… 但係「有競爭先至有進步」🤗期待食到越來越出色既雞蛋仔😋

雞蛋仔就食過唔少喇，不過雖然利強記好出名，但係我真係未食過。今日經過呢度就飽下我口福喇，出咗尖沙咀地鐵站A出口無幾遠就係了，總體上來講呢家店比較細，比較普通，可能喺開咗好耐喇，裡面嘅嘢都比較舊，有點髒髒地嘅感覺，不過呢仲係乜就係歷史嘅痕跡，哈哈、無企名氣咁大，不過墻上都喺一D明星嘅合照 ，好似幾巴閉窩。都話雞蛋仔咯，肯定要試下企原味嘅，原味先至食得出企嘅味道，都感覺幾真材實料，蛋味同奶味都好濃，外面微脆，裡面軟軟的，熱熱的甜甜的，好味！咖喱魚蛋都幾好，夠Q夠彈夠味夠爽滑，咖喱味好濃郁好純，微辣嘅口感很引人食慾；仲有炸大腸同埋牛百葉都幾好味，咖喱魚蛋重點推薦！