媽咪雞蛋仔 (已結業)

今日係尖沙咀交收完有少少肚餓，所以見到咁多人排隊就黎趁下熱鬧先，哦，原來係媽咪雞蛋仔！佢連續3年拎左米芝蓮推介街頭小食，唔怪之得特別多人（特別是內地人）黎朝聖！我就買左一底原味雞蛋仔$20，之後比完$就會有張飛仔，等叫號碼！所有雞蛋仔都即叫即整，所以我等左15分鐘左右終於叫到我個number 啦！熱辣辣脆卜卜，特別係個邊邊超級脆口，而每粒雞蛋仔都好多蛋肉，好鬆軟既口感！食完一粒又一粒，真係食唔停口，果然係原味比較好味道！唔怪之得咁多人排隊都要食一下香港🇭🇰特色既雞蛋仔！👍😋✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤，我會寫更多豐富既食評比大家！🤤✨✨✨✨✨✨✨✨✨✨

友人話好耐冇食過雞蛋仔好想食，咁岩行過媽咪雞蛋仔，知道呢間舖又拎米芝蓮，而且每次經過都見到好多人等，於是我們一於試下!由於星期六的關係，同平時一樣都係好多人。買完之後都等左成20分鐘先有!原味雞蛋仔($24)，比起平時街邊食既脆好多，外脆內軟，味道就冇咩特別。如果真係要我再食的話我可能要再諗諗，首先價錢平起街邊買的貴1倍，而且需要等好耐先有!質地我個人會覺得平時街邊買到既好食D，因為太脆口個感覺唔同左!或者可以考慮試下其他味既，但呢間一定唔會係我的首選!

約咗朋友放工飲野未夠鍾點算好？唯有發揮我為食兵團嘅本領而家媽咪雞蛋仔自従攞咗米芝連之後，條隊係未斷過嘅就等我試吓佢有無失凖先，答案梗係NO la⋯⋯食過咁多間，始終覺得呢間最好味連門口搭住棚架，啲人都冇懼危險，有成了3、4拾人喺度等

路過尖沙咀，老婆介紹話媽咪雞蛋仔好好味，即管買番底來試試。去到鋪頭，嘩! 估唔到有好多人排隊買雞蛋仔，好彩又唔駛等好耐就輪到我，我們買咗原味雞蛋仔，成20蚊底，都幾貴，買完飛之後就等number。過了一會終於有得食啦，好心急睇睇，嘩，分開了兩層，可能人多，整得好求其。雖然樣真係麻麻，但食落真的好好食，外脆內軟，甜度合適，又有蛋香，值得再食。

今天幾乎是這幾天最凍的一天，但這家雞蛋仔店外的人籠依然很長，不過這樣的天氣，確實令我想吃一底熱騰騰的雞蛋仔，於是我買了一底原味雞蛋仔，因為我確信，原味做得好，才讓我想去試其他的味道。16:34pm下的單，等了又等，人籠愈來愈長，連等的位置都沒有了，只有到前幾條街走走，順便到貢茶買杯熱飲，再折返就應該到我了。冒著雨走了幾條街，又冷又餓，終於折返到雞蛋仔店，嘩，剛好是我的號碼呢好感動…………冰冷的手，一觸及那暖暖的紙袋，一下子溫暖了，急不及待就撕下了2，3粒放進口裡。果然，是跟平常的小食店買到的不同，蛋香味很濃，甜度比平常吃到的較高。外脆內軟，咬一下再看看，雞蛋仔中間是軟棉棉的，但很豐富，不是空心的。看來，我還是會跟那條長長的人籠角力，試試其他的味道，下一目標是紫薯！