媽咪雞蛋仔

营业中

休息中

上次試完格仔餅, 感覺麻麻地因為有啲燶 😟 今次再俾個機會試多次佢嘅拿手雞蛋仔 🙂嚟到門口比上次更加多人, 跟大隊叫雞蛋仔, 不過兩底兩底咁整, 始終都係要等.. 🙃成間鋪做緊嘅雞蛋仔款式有幾十款, 霎眼間見到有灣仔店限定嘅... 榮華臘腸雙重芝士雞蛋仔😱😱😱 自問自己就冇膽量挑戰, 喜歡創新嘅朋友不妨過嚟試, 我期待你篇食評😆等左差唔多15分鐘, 終於個雞蛋仔拎到上手喇 !! 個樣就似模似樣喇, 好香, 味道唔錯嘅, 果然比格仔餅好食, 始終佢雞蛋仔比較出名 唔好期待佢係最出色嘅雞蛋仔, 不坊一試!

由灣仔走向銅鑼灣都會經過灣仔分店，難得早放工就試試。此街頭小食榮獲2016至2017年度米芝蓮香港小食推介，當然非常期待雞蛋仔都幾多特色口味供選擇，牆身都會貼有圖片供參考，我去了兩次所以貼圖位置有些許變化。原味雞蛋仔 ($17)試了原味，可惜有點失望，首先等了10分鐘，但到手不夠熱，剝開那一下，邊邊位置微脆，放雞蛋仔入口，內裡微軟，但沒有蛋香，口感不足，覺得用料不夠。過了幾日又再光臨，今次食金莎醬格仔餅($20)。這款反而迎合心意同樣等了10分鐘，到手時很熱辣辣，餅身軟硬度適中，醬料充足，金莎醬的甜有格仔餅來中和，很有飽肚感，不過分為二人吃可避免吃到太漏。

環境4分：外賣小店，內有幾張小櫈俾人休息，門口位又有風口，舒適度比好多小食店好，所以值四分。衛生4分：食物即叫即喺面前煮，透明度高，望落乾淨企理又有系統。服務5分：收銀姐姐落單快，又可以用八達通找數，好方便。廚師哥哥分派食物時會叫小心睇熱，又有同熟客收集意見，效率高，態度又認真。味道3分：原味雞蛋仔香口熱辣，脆皮乾身，味道唔會過甜。抵食2分：原味雞蛋仔$16一客，雖然係鮮製美味，不過都唔平。