欅 居酒屋

营业中

休息中

估唔到Megabox有間居酒屋🏮有趣嘅係餐廳有部香港勁少見嘅日式全自動日本酒販売機🍶多款日本酒包括清酒梅酒冇時間限制放題都只係$188一位，抵到癲！但記得量力而為呀🤣居酒屋嚟講，食物都好緊要！餐廳嘅餐飲選擇都好豐富，串燒、飯團、刺身、壽司、小食通通都有。一邊暢飲一邊食嘢傾計真係開心到爆😆柚子胡椒鵝肝燒飯團🍙 $98————————————勁大嚿鵝肝，香到爆嘅油脂湧出嚟，表皮少許香脆，入面軟嫩順滑，香氣逼人。配埋飯團真係勁滿足。炭燒牛舌(4片) $98————————————口感脆彈、有嚼勁，唔會過韌，韌度剛剛好！真係好出色嘅燒牛舌。原條日本茄子🍆 $68————————————真係大大條原條茄子，入口軟淋淋又多汁，加埋木魚、蔥花，看似簡單但好惹味。明太子青椒仔 $38————————————青椒仔唔太辣，釀入嘅明太子味道都係温和嘅，並唔係好辣同鹹嘅明太子，依個配搭好開胃，送酒一流呀。七味燒豬頸肉 $38————————————外層少許焦香，加埋七味粉就更惹味，咬落爽彈，肉香滿滿。飲到微醺😆下次要再去呀！

呢間Megabox新開嘅居酒屋唔止嘢食正~新張期間仲有好抵嘅清酒任飲🎊,只係188一位,飲幾round都回本了🥂!油甘魚好肥美🐟,所以加埋啲酸酸哋嘅酸汁啫喱就好開胃~而沙律都好新鮮清爽🥗~呢個自家製木桶豆腐豆味好香👍,尤其個邊邊位仲特別煙煙韌韌添~職員教話簡單落少少柚子鹽🧂就可以更欣賞到豆香味~如果喜歡濃味啲就可以加薑葱豉油~我最鍾意食鰻魚,呢個炭火蒲燒原條鰻魚連埋個爐上🔥,食到尾都暖笠笠~個鰻魚皮仲有好香油脂味~佢呢度串燒選擇好多🍢,牛肉,豚肉等等🐷🐮~每款都有好多選擇~我覺得最好食嘅係牛舌~豚肉蘆筍卷~明太子雞肉棒同埋雞翼🐔~我點咗呢個燒三文魚飯團🍙,燒脆咗嘅飯團配埋脆卜卜紫菜好香~朋友仔就食咗另一款柚子胡椒鵝肝燒飯團🍘~上面有煎香咗嘅鵝肝🦆,非常甘香~呢度嘅嘢食好食,加埋個清酒放題真係無得輸😋~清酒款式眾多,仲會介紹埋各款酒嘅資料,實搵到啲啱飲嘅酒🍶~

Megabox有間新開既居酒屋，見到有清酒放題，岩曬鍾意邊食邊飲既我，成個環境幾舒服，仲有卡位，見到卡位坐滿人我地就安排左出面D位，近D部自助清酒機😍我同朋友先掃QR CODE，再出去自助清酒機度揀清酒，當日除左清酒之外仲見到一款梅酒可以揀添，我幾鍾意咩清酒都可以試下油甘魚沙律配酸汁啫喱油甘魚好多片👍配上酸汁非常開胃清爽自家製木桶豆腐平時去既居酒屋都未見過自家製既豆腐，就點左一個黎試下，自製木桶豆腐份量唔少，豆腐豆香味濃，口感有手工豆腐既結實，配上鹽 、薑蓉 、蔥花，豆香味更突出串燒類豚肉酒盗芝士卷、豚肉蘆筍卷、雞尾、雞肝、明太子雞肉、明太子青椒仔、雞皮全部都好味唔乾，其中豚肉酒盜芝士卷係我最愛，配清酒一流厚燒牛舌牛舌份量唔少，燒得岩岩好juicy原條日本茄子食到日本茄子既甜，口感軟綿柚子胡椒鵝肝燒飯糰厚厚鵝肝配上飯糰🤤鵝肝油香滿滿醬油燒飯糰呢個飯糰就咁食都好味，食到微微醬油香，而我點左蒲燒鰻魚，加埋一齊食好夾炭火蒲燒原條鰻魚用炭火烤好既鰻魚用上小炭爐上枱，因為落單先開始燒，所以最後先上枱，鰻魚無骨口感柔軟，加上我鐘意既鰻魚汁😋配埋我個燒飯團一齊食

好耐都冇去𝗠𝗲𝗴𝗮𝗕𝗼𝘅，最近去開行街見到呢間新開居酒屋好似唔錯，仲有清酒放題所以去試吓💕 環境舒適寬敞，主打供應日式炭火串燒，選用日本和哥山高品質天然備長炭及日本直送食材。食物選擇豐富，包括各式各樣燒物、刺身、壽司、天婦羅、丼飯等等。同時亦設有大型新穎自助清酒機，提供超過十多款清酒放題，可以同朋友暢飲一番🍶🥳當晚同男朋友試咗幾款食物，質素唔錯🧡🥗•油甘魚沙律配酸汁啫喱• $𝟴𝟴油甘魚都幾厚切💕 配上酸汁啫喱清新好開胃，非常唔錯👍🔥串燒/ 燒物:•厚燒牛舌• $𝟳𝟴•原條日本茄子• $𝟲𝟴•美國牛小排• $𝟲𝟴/串•美國牛柳粒• $𝟲𝟴/串•鮮蘆筍• $𝟮𝟴/串•厚燒雞肉• $𝟯𝟮/串原來牛舌唔係一串串，而係一碟上😂 每碟有四件👅 以為係一串串，所以叫咗兩份，好彩有返咁上下食量嘅我哋都勉強食得落😆 雖然唔係我食過最厚切嘅牛舌，但係都燒得幾香，加埋蔥花同蘿蔔蓉好惹味😋🐮美國牛小排同牛柳粒就真係一串串😆 肉味香濃推介🌟另外原條日本茄子🍆 都有驚喜🤩 份量好足，茄子多肉又𝗷𝘂𝗶𝗰𝘆💦 好正😋🐟•鯛魚燒飯團茶漬飯• $𝟳𝟴🍙•燒三文魚飯團• $𝟰𝟮兩款飯團都唔錯，尤其覺得鯛魚燒飯團茶漬飯幾特別