臺北棧 (形點 I)

营业中

休息中

今日同朋友喺元朗yoho 小聚，揀左呢間以台灣美食爲主題嘅小店。小店以台灣海岸零感為主題，以藍色紮染作佈置，簡單優雅而又帶住濃厚嘅藝術感，一進店已經感覺非常舒適，令人輕鬆自在，食慾大增。食物種類有牛肉麵，魯肉飯同唔同嘅台灣小食。我點左一杯木瓜牛乳。非常受歡迎嘅台灣特色飲品，木瓜嘅清香與牛乳嘅醇厚完美結合，清爽又滋潤。飲落會感受到果肉與牛乳搭配非常好，口感豐富，令人回味無窮，推薦！除左木瓜，仲有其他味道嘅牛乳大王同苦瓜汁大王都係幾吸引，下次再試。我地亦試左店裏小吃之一：鹹蛋黃芋泥球。呢個外表金黃、內餡綿軟嘅小球非常誘人。鹹蛋黃嘅鹹香與芋泥嘅甜味非常搭配，咬落去香氣四溢，令人忍唔住一球接一球。另外點左一份原條鰻魚起司玉米蛋餅。賣相吸引，店員為我地用火燒香鰻魚嘅表面，比d香氣搞到勁想即刻食，簡直係測試我耐性嘅時刻。呢個鰻魚蛋餅一咬落去比想像中更美味。蛋餅口感酥脆，鰻魚香氣濃郁，肉質香嫰，配埋芝士嘅奶香同粟米爽甜嘅口感，味道同質感都完美結合。仲有胡麻汁涼拌苦瓜。苦瓜切成薄片，與胡麻汁拌勻，口感清爽又帶有胡麻香味，解膩又開胃。健康感亦提升，不愛吃苦瓜嘅人應該會對佢刮目相看。最後，我地點左一份伯爵

突然好掛住台灣美食，今次就近近地嚟到呢間位於Yoho mall入面由淺藍色同埋淺粉紅色嘅夢幻台灣餐廳，品嘗地道台式美食！三色鹽酥雞💰HK$128鹽酥雞就正常水準，特別嘅係有三種唔同嘅醬汁(柚子醬、黑松露醬同埋喇沙醬)可以點，個人最鍾意都係黑松露醬，呢個口味會大眾啲！招牌魯肉飯💰HK$68魯肉飯睇落好吸引，但係食落完全冇味，超級失望～原條鰻魚起司玉米蛋餅💰HK$188賣相超吸引，原條鰻魚鋪咗喺蛋餅上面，鰻魚嘅味道同芝士蛋餅超級夾！食咗咁多樣嘢，最好食就係呢樣🤤蒜泥台灣水蓮💰HK$98之前喺台灣食過水蓮覺得呢個菜好特別，香港好難食得到，所以見到就即刻叫咗一碟，點知蒜泥味太重，完全食唔到蔬菜嘅鮮甜味，好伏～OERO奶奶麻糬💰HK$98呢個淺藍色麻糬係元朗店限定，好有少女心，用嚟打卡一流！可惜嘅係原來麻糬同Oreo碎一啲都唔夾….鮮鳳梨蘇打💰HK$45清涼消暑～