當文歷餅店 by Dominique Ansel (已結業)

最後衝刺有coupon 無理由唔繼續食掛。因為未能即時回家，所以可以外帶嘅選擇就只有包，因倒數兩日，真係人頭湧湧排當文歷餅店最後都排左45分鐘（接近12點咋）可惜想食嘅已經所剩無機了。最後就買左DKA x2, 麻糬花生甜酥x2,原粒蒜頭牛角包🥐x4,紅火龍果撻x6,真心顛DKA 皇牌- 即焦糖牛角包，型狀一點都唔似牛角包，包真係幾鬆脆，焦糖不是佈滿整個包，所以唔會太甜焦糖牛角比U字這間的甜度到恰到好處。麻糬花生🥜甜酥- 好普通，但口感幾得意，幸好花生幾香，麻糬都幾煙銀，ok 嘅！原粒蒜頭牛角包- 好香,但點解叫原粒蒜頭🧄呢？我食晒成個包，唔好話見唔到蒜頭粒，食落連蒜頭味都無，佢係香，但不是蒜頭香。紅火龍果撻-買之前以為表面紅色的是果醬，回到家才發現係新鮮生果。用焗爐加熱後食，感覺好冰火，上面甜嘅火龍果是凍，下面個撻底是熱，口感不錯，見到個撻是一層層酥皮疊成。如果新鮮即食應該會更好食。真心，無優惠卷真係未必會試，$38一個包唔算得上好好食，但以半價就一試無妨！

終於都嚟試到未夠3點鐘嚟到，排咗差唔多成個鐘頭希望遲啲熱潮過咗，可以唔使排咁耐啦一坐低已經被佢個吉列蛋三文治吸引住樣樣都想試，所以兩個人都嗌咗好多嘢食兩個人食咗8樣嘢，落單嗰陣 侍應哥哥煞有介事咁問：係咪全部都係堂食😂有啲尷尬先講鹹食🤤吉列滑蛋三文治餐 $118好！好！味！好厚嘅蛋 又香又滑又嫩再炸到好脆 配埋蛋黃醬 然後用好軟嘅麵包夾住😭成件事好完美真係好好食🥺原粒蒜頭牛角包 $38搽咗蒜蓉牛油嘅牛角包比平時嗰啲多咗一份香味同埋牛角包好鬆脆，唔錯唔錯蛋卷蛋撻 $38以為會好香，但食落一般般有啲似唔係幾好食嘅奶黃月餅麻糬花生甜酥 $38得好少花生同埋個餡同個酥皮唔係好夾然後就係佢好出名嘅甜品港式奶茶曲奇杯 $48將個曲奇整到益力多咁嘅樣係盞搞嘅，因為一啲都唔好食🤫不過無想像中咁甜但咬落去係一舊又厚又淋又無口感嘅曲奇不過！個奶茶就好好飲好滑好有茶香紙包檸檬茶 $62🧃第一步係拆走面頭塊甩色朱古力先🤫個餡係earl grey mousse我就覺得無乜特別打過卡就算火腿通 $58 將個cheesecake整到通粉嘅樣Cheesecake食落好厚 好濃郁但有少少膩仲有甜到要死嘅朱古力整成嘅火腿