鯛魚魚湯專門店 (已結業)

自小就很喜歡飲魚湯，健康又有營養，在家也時常煲魚湯，沒有想過出街揾食也可以嘗到足料魚湯，而且價非常實惠。鯛魚魚湯專門店，位於鰂魚涌港鐵站附近，步行幾分鐘就可到達，十分方便。顧名思義，餐廳主打鯛魚魚湯🐟🐟🐟，可配烏冬，麵或湯飯，上餐時附有火爐，可保持魚湯溫度。餐廳地方不大，大約三十個座位左右，單人座位面向牆壁，自成一國，其他二人或四人座位設有隔板，入坐前亦有量體溫，做足防疫措施👍。既然係魚湯專門店，當然要試魚湯，朋友點了原價$188嘅波士頓龍蝦湯飯，現在震撼價$138，真係好抵食，原隻波士頓龍蝦，賣相超靚，啖啖肉，加埋奶白色嘅魚湯，鮮甜美味；我就點了鮑魚花膠湯飯，同樣是美味的鯛魚湯底，有兩隻鮑魚，多塊花膠，口感軟滑，充滿魚湯鮮味，配搭特別，份量幾多，滋潤養顏，味道很好👏。飲品方面，名稱和賣相都很美，點了蜜桃成熟時和星空荔枝，跟餐同樣是+$12，大杯抵飲，味道清甜。環境是一般日式餐廳格局，地方不大，但食物質素頗高，尤其是鯛魚湯非常足料，價錢實惠，配埋飲品每位都係一百多元，服務員勤快有禮貌，座位雖然有點窄，整體都很滿意😍。

早前在網上看到這間餐廳的烏冬好吸引，今天晚上友人在這邊放工，所以就來試試看。餐廳不算很大，但是座位都幾多!餐牌上有多款湯烏冬或湯飯可選擇!原隻波士頓龍蝦湯飯，朋友一向喜歡吃湯飯，這裡的湯底是鯛魚湯，有香濃的魚湯味，飯吸收了湯的味道，更容易感受到湯的原味!湯飯用上一窩上，而且還用火熱住，令湯keep住熱，不怕變腥！配菜豆卜、木耳、海帶、紹菜，全部也是吸湯的配菜。而重點的龍蝦十分大隻，是原隻上，龍蝦開邊，龍蝦鉗已弄開，龍蝦都幾多膏，蝦肉彈牙，蝦鉗非常大隻，而且都有很多肉，朋友吃得津津有味!鯛魚濃湯鮮蟹湯烏冬，這個烏冬的湯底除了有魚的鮮甜味，還有蟹膏的味道，令湯更鮮甜惹味!有整隻蟹，蟹膏都幾多，蟹腳都幾多肉，而且幾鮮甜!而烏冬煙韌彈牙，十分美味!這裡的湯真的鮮甜而且很足料，有機會會再來試試。

今晚和許久沒見面的朋友聚會，她就住在鰂魚涌，於是我們約在這餐廳見面。晚上6時多，餐廳已經坐滿不少客人。餐廳裝潢簡樸，面積不算大，有一排靠牆的沙發座，也有一些雙人座位。翻開餐廳，主要提供魚湯泡飯，也有龍蝦湯、蟹湯等，沒有加一服務費。⭐️鯛魚濃湯鮮蟹湯烏冬$138湯頭呈奶白色，入口是啖啖的魚湯鮮味。原隻蟹非常新鮮，蟹蓋有滿滿的蟹膏，蟹鉗肉質也很肥美，雪白的蟹肉配上滑溜的烏冬，還有海帶和黑木耳，增加口感。⭐️原隻波士頓龍蝦湯飯$138原隻龍蝦非常澎拜，整個鍋都放不下。龍蝦飯非常鮮甜，龍蝦原隻呈上，十分吸引呢！肉質鮮甜，啖啖肉令人滿意！⭐️魔幻王國$20底部是紫色漸層，入口淡淡薑味。▫️原隻龍蝦飯和原隻蟹飯性價比頗高。

早前去了鰂魚涌上堂, 上完堂後, 有點肚餓, 就係附近覓食, 最後就試了鯛魚魚湯專門店食嘢. 這裡的款式選擇也有不少, 可以揀烏冬, 湯飯. 我選了原隻波士頓龍蝦湯飯, 湯底就揀了我愛食的特濃蕃茄鯛魚湯. 小食點了一口芝味魚塊. 店員先奉上原隻波士頓龍蝦湯飯. 賣相相當吸引. 整整一隻龍蝦. 當中還有不少配菜, 包括黃菜絲, 木耳絲, 京蔥, 油揚絲和海草, 材料好豐富. 龍蝦蝦肉夠爽口彈牙. 再試下個湯, 香濃的蕃茄湯底, 愛食蕃茄湯的朋友可以一試. 而飯就吸收晒所以材料精華, 特別好味. 最細心的地方係唔夠湯可以叫佢加湯, 唔夠熱可以加熱. 一口芝味魚塊. 外層夠鬆脆. 一咬開, 就有芝士流出, 芝士和魚好夾, 非常好味.