富士山媽媽 (已結業)

餐廳位於太平山頂凌霄閣2樓, 餐廳一邊係巨型落地玻璃窗, 可以一邊食一邊飽覽整個維港景色。絕對係一種享受! 餐廳風格係日式懷舊風, 配埋日本經典歌同埋搖滾音樂, 感覺彷彿置身係日本當地既餐廳。 因為唔太肚餓關係, 每人叫左碗叉燒拉麵($98) 同4件三文魚壽司($20每件)。 拉麵湯底係秘製豬骨湯,味好濃郁，叉燒肉質半肥瘦岩岩好, 有唔會太薄身, 份量都ok, 拉麵質感幾彈牙,又唔會太鹼水味。 三文魚壽司食材都好優質，油脂分佈勻渾 餐廳價錢相對較貴, 食物質素都幾好, 但又未算太大驚人, 但價錢當然包左食view, 風景位的確一流! 下次會再黎試多幾款其他料理 店舖門口入口處還設有小賣部,專賣日本紀念品, 因為疫情關係無得去旅行, 係度買下D小禮物可以當去左日本旅行。

說好去的日本今年無望啦，去山頂富士山媽媽餐廳都好啦~聽住經典日語歌，品嚐日本美食，歎住杯凍飲，欣賞維港景色，chill下食下都好有mood的~Rock'n Roll系列的鰻魚龍卷 $118牛油果入口即溶，鰻魚軟腍，飯粒圓潤捲得扎實，醮下沙律汁，一啖一口相當美味。炸餃子配柚子醋 $45餃子以竹籤吉住賣相討好，餃皮脆薄肉餡鮮美唔油膩，好食。炸牛蒡 $45薄片炸牛蒡似食薯片一樣口感香脆，欣賞眼前美景慢慢歎，口痕心食之選。叉燒拉麵 $98秘製豬骨湯底味濃，拉麵口感煙韌好掛汁，叉燒好嚼口，水準唔錯。菠蘿的海 $88清甜可口，凍飲涼透心，炎炎夏日最啱飲。

欣賞維多利亞港景色🏙️，大家一定會想到登上香港島太平山頂吧! 是被公認為俯瞰維多利亞港的最佳地點之一。不過欣賞維港景色唔一定要去凌霄閣「摩天台428」(需額外購買入場票) ，等我介紹一個坐得舒舒服服，可以一邊享受日本美食，一邊欣賞維港景色的好地方給你們吧😏!我想介紹的就是「Fujiyama Mama」！「Fujiyama Mama」就是位於山頂凌霄閣的日本餐廳，餐廳裝飾很特別，除了特色落地玻璃可以俯瞰整個維多利亞港景色外，也用了日本舊式唱片為主題佈置餐廳，好像置身於日本🇯🇵一樣，非常有格調。孖寶看到靚靚景色非常興奮，不停讓著要找出我們居住的地點😆。食物方面，這裡的rocknROLL卷物有很多配搭，有香蔥吞拿魚腩卷、哥斯拉炸蝦卷、鰻魚龍卷、媽媽炸豬太郎卷、富士山下卷等等，全部都好吸引呀。其中媽媽炸豬太郎卷$118，米飯軟硬適中，豬扒香脆可口，真是令人回味🤤！另外炸餃子配唐辛子蛋黃醬$45、叉燒拉麵$98、大大杯雪糕球$28等，也非常美味😋!

🇭🇰富士山媽媽·個日諗住行個小山 就有hku個度行左上山頂⛰️佢個路程其實唔遠既 但係依家實在太熱啦 我每行5分鐘就想休息🙊🙊呢間餐廳環境好好 唔會太多人得黎 係真係可以望住維園景黎食野 超級心曠神怡😍😍·富士山下卷 $138呢個我覺得幾好味 佢係中間炸左一個軟殼蟹卷 之後再包多左一層飯同埋飛魚籽 口感超好😍😍超有層次感 我自己幾鍾意😌而且佢個擺盤超靚 超襯個景🏙·叉燒拉麵 $98因為個商場嘅冷氣好凍 所以我勁feel like食啲熱嘢 就嗌左呢一個拉麵🍜佢個湯底都幾厚身 叉燒個肉質係真係半肥瘦 食落幾有驚喜🤩個麵就係普通買嗰種拉麵辣 不過唔會太鹼水 都唔錯😎·蛋黃免治雞肉棒 $72呢度個環境其實係勁適合飲住杯啤酒食串燒 不過因為我哋嗰日係日頭嘅時間去 佢無啤酒 所以我哋就咁嗌左呢一個小食🥺佢都幾大串 而且入邊都幾多雞軟骨 口感幾好 不過就略嫌佢個汁多咗少少keke·#rbyeat#rby日本菜#rby中環·📍山頂山頂道128號凌霄閣2樓4號舖