好燒味 (已結業)

呢間新潮燒味店專做外賣，packing係用紙盒，設計簡單得黎又好精美，餐具係木製的。加$15有個老火湯或蔬菜～老火湯標榜無味精，少飲湯水既朋友一定要加埋，其實份量唔少架，抵飲！👍🏻•🥢 叉燒拼醬王燒鴨飯 $49燒味份量算好多，飯都唔少。叉燒無叫瘦叉但都偏瘦，不過一d都唔鞋，味道剛剛好又有蜜糖既甜味，鍾意食半肥瘦既話記得落單時要講定😉燒鴨唔肥膩，皮同肉之間無一層厚厚的脂肪，方便我可以連皮食😛👍🏻 肉質軟淋，味道正常。鍾意多豉油的話記得要order多汁～因為default既汁係偏少。•🥢 慢煮叉燒拼燒腩仔飯 $65慢煮叉燒肉質確實淋身同嫩滑過普通叉燒，但味道偏淡，無燒烤味同蜜糖甜味，如果下次再食，都唔會再揀慢煮叉燒，個人比較鍾意普通叉燒。至於燒腩仔，皮唔算好脆，有少少韌，味道唔會過咸，肥瘦適中！

特登行去中環果邊就係為左一嚐呢個好多中環人推介的燒味飯初看招牌和餐牌設計, 完全唔覺得係賣中式燒味小店向利源東街小巷裡, 1 點多去到, 有幾個人排隊可惜去到已經賣晒最出名的慢煮叉燒了....唯有點左普通叉燒拼醬王燒鴨飯 (HK$42)落單等左2,3 分鐘就已經有, 外賣盒好fancy, 真係唔似燒味盒而且是紙質飯盒, 比較環保亦因為是紙盒, 所以燒味汁另外上飯和燒味份量很充足先試叉燒 - 雖然係一般叉燒, 但肥瘦度剛好, 而且很淋滑! 相信慢煮既一定會更好食!燒鴨 - 個皮幾好味, 不過肉有少少鞋, 都唔錯向中環HK$42 買到個有質素的燒味飯真心抵希望下次去可以試到慢煮叉燒同埋貴妃雞