友利冰室 x 勿當奴 (D2 Place TWO) (已結業)

今日一個人經過食個lunch, 只order 了叉燒炒蛋飯。$58。 價錢中規中矩，沒有包嘢飲。✅出菜很快✅賣相黎到見到個樣幾靚仔✅叉燒份量比起普通茶餐廳多，蛋同飯都夠✅其中有幾舊叉燒係半肥瘦，好好味，但唔係件件咁肥，不過瘦嘅都唔會覺得太鞋。⚠️美中不足係蛋真係無蛋香，我見之前評語都有人講過💛值得一讚嘅係員工好醒目好貼心，我嗰日未開餐就跌咗隻匙羹落地，我執返起打算問人拎嗰隻，個職員已經拎緊俾我，呢啲咪就係服務！💛讚！

叉燒炒蛋飯 $58叉燒肥瘦適中 又唔會切太薄炒蛋真係夠哂滑超級好食呀！一定要試😍但晚餐就無包飲品自選2人餐 $168瑞士無骨雞(半隻)冬陰功海鮮意粉 + 飲品2枝雞唔算係超級滑 但起碼唔會嚡無骨真係幾正 啖啖肉意粉睇落好似無乜色水咁但食落原來幾惹味 夠辣 幾有驚喜意粉係扁意粉 掛汁力高 海鮮有青口 帶子粒 蝦仁 同一隻蝦隻蝦啲肉就有啲霉 其實將啲海鮮轉做一隻大蝦仲好🙂飲品可以係個櫃度揀 大約有6-8款菊花茶同羅漢果茶都唔太甜👍🏻室內既佈置全部都好搞鬼好多麥x勞主角既圖畫當然仲有大量文宣 💪🏻

又到Lunch 放飯，今日朋友帶路去左荔枝角嘅D2 Two Place, 平時都好少行過去嘅，原來果度都幾多餐廳。朋友話去勿當奴喎，我以為係商場果間，原來係友利冰室，去到1點左右已經有人排隊，第一次去見到牆上漫畫都幾得意，不過呢個玩意其實有抄襲之嫌，如果喜歡figure 嘅朋友就知道我講咩，外國design好耐之前已經賣到好貴同好hit嘅邪惡肥版當奴叔叔，已取License ，呢度不多講, 只係題外話。入面都算坐得舒服，唔會迫埋一邊。我地幾個都叫左*叉燒炒蛋飯*58蚊加野飲另加8蚊。問心叉燒真係少左d，燒汁又唔夠，碗飯係多，但餸少，好似每碗叉燒炒蛋份量不夠均勻，定係我果碗特別少，嚟到想喊，58蚊得5舊叉燒。另加8蚊，有1大支野飲有奶茶，咖啡，同埋自制特飲，我果枝係奶茶，個色好深，同出面茶記港式奶茶少少唔同，都ok嘅。共吃了66蚊嘅lunch，我諗如果食個意粉加特飲會值得，叉蛋難食有個譜，所以不無咩值得講，但係叉燒太少，所以覺得有點貴，相比敏華嘅叉蛋飯真係相形見絀。

早前報導「友利冰室 x 勿當奴」，見到「勿當奴」個店名好特別，欣賞呢個牌頭嘅意思。餐廳神還原m記食品，俾個選擇唔想幫襯m記，又想食嗰類快餐嘅人。除咗美式快餐，呢度亦提供fusion食物，例如乳豬卡邦尼意粉，仲有常見茶餐廳食物，例如湯麵、焗飯，價位經濟實惠。Lunch time專登過嚟試吓。門口長期排長龍， 餐廳採取先排隊買嘢食，後有店員帶位嘅方法；排隊期間店員送上餐牌可以揀住嘢食先，買完食物差唔多同一時間就有位。排隊至坐低過程約十五分鐘，以長期有客人排隊嚟講算十分迅速👍=======================【叉燒炒蛋飯】$58叉燒炒蛋飯碗上，啱啱炒起熱辣辣，超厚蛋偏似蛋餅感覺，不過食落蛋味濃郁，今次呢碗炒蛋較散；叉燒粒厚切，偏瘦但有肉汁。以茶餐廳叉燒炒蛋飯而言，個人比較鍾意滑蛋方式嘅煮法，「光榮冰室」嘅炒蛋能夠保留蛋汁，入口滑嫩，濕潤嘅炒蛋能夠包裹住叉燒。【豉油無骨雞】$58雞肉有八九件，份量不少；皮爽肉嫩滑，無骨啖啖肉，懶人最愛～可惜豉油醬汁偏鹹。=======================友利冰室 x 勿當奴📍長順街15號D2 place 2期1樓109號舖