鴻師傅 (已結業)

午餐其中一個選擇去左東廣場鴻師傅, 呢度其中一個必食係鮑汁叉燒煎蛋飯最怕叉燒燒得太過份又燶又硬, 呢度整得又腍又有肉香, 煎蛋有少少燶邊, 屬高水準之作.另外叫左松草花蒸雞飯配燉湯又係抵食, 燉湯真材實料唔馬虎, 蒸雞亦好滑又大份. 食左咁多次水準依舊保持平穩, 性價比亦可接受,可返轉頭.

OT完又肚餓，周圍搵嘢食，同事食過呢間話好好食就諗住一試啦，叫咗個叉燒煎蛋飯。我想講個叉燒飯真係好大碗，啲叉燒好大塊，隻太陽蛋都好吸引!忍唔住先食叉燒，哇真心好食! 啲蜜汁完全滲透左落叉燒，叉燒唔算肥亦唔完全瘦到有渣咁。跟住撈勻隻蛋去啲飯度，成個飯都好好食，令我諗起食神嘅黯然銷魂飯😂😂😂$53嚟講咁多飯(我懷疑有三碗)，咁多大舊叉燒，兩大條菜，係相當抵食! 可惜嘅真係太多飯完全食唔哂，我好似仲食剩左一碗飯咁多，但叉燒就食哂，因為太好食，唔食哂好嘥哈哈