四寶食堂

营业中

休息中

難得疫情政策下晚市開返，我同老公去銅鑼灣買下野行吓街，順便食埋晚餐啦。之前已經去過呢間四寶食堂，已經好驚嘆佢哋咁多元化，看似是一間茶餐廳，但係內裏係一間多個菜西餐廳。有前菜沙律小食主菜甜品乜都有，飲品都好唔錯添🍹例如佢哋嘅朱古力雪山，阿華田雪山，都見到好多人飲，因為實在太吸引又好抵飲。🍛 叉燒蛋飯 $58賣相好好啲蛋好光滑，好嫩滑，叉燒都好多塊，好足料喎。如果想食多啲小食，兩個人可以分享一個飯，另外再加其他小食我都覺得好足夠。🥗 意式帕爾馬火腿配黑醋沙律 $78好大碟呀！賣相都好靚。菜好新鮮，配上黑醋好開胃。火腿配沙律幾好，因為有少少鹹味，配上清新嘅沙律好好配搭。🐟 香草白酒龍利魚配番茄沙沙醬 $78龍利魚好厚身，咬落幾有口感，唔會好似係出邊食好易爛嘅魚塊，好實淨，配上呢個番茄醬，感覺多層次，好似西餐廳質素咁👍跟餐仲會跟埋薯條，我哋冇諗過個薯條係咁大份，上面仲有黑松露唔錯喎🍟🍧 雪糕紅豆冰 (跟餐+$10)呢一個雪糕紅豆冰成個甜品咁豐富，落咗雪糕好香濃，好滑，紅豆沙做得唔錯👍

尋日晏晝同朋友經過銅鑼灣，好彩咁啱過咗lunch hour，見到四寶食堂唔算好多人排隊，等咗幾分鐘都冇就入咗去食。未坐低已經見到個花花牆，真係好靚🤩打卡一流！同朋友點咗個叉燒蛋飯同龍蝦汁意粉，再加多杯朱古力雪山同雪糕紅豆冰 重點要講個叉燒炒蛋飯真係好好味，啲叉燒數量好多不得止仲要肥瘦適中，肉質好好，唔會特別韌亦都唔會淋，再配埋個叉燒汁同半熟滑蛋撈埋落啲飯度食真係無得彈，啲蛋汁多到食完碗飯都仲有🤤份量超足料，CP值真係好高！喺咁凍嘅天氣食暖粒粒嘅嘢就最適合🥰我朋友點嘅龍蝦汁意粉就冇話特別驚喜，但啲龍蝦汁好鮮甜，而且啲蝦都有成4、5隻，雖然龍蝦汁味濃但都食到啲蝦肉好鮮嫩，成碟意粉份量都幾多，雖然我朋友係男仔但佢都差啲食唔曬添😝兩杯特飲都幾好味，鐘意甜嘢/朱古力就一定要試朱古力雪山，對於一般人嚟講可能會偏甜，但我真係好鐘意飲甜嘢，尤其加埋cream真係好正😍😍朋友杯紅豆冰都唔錯，甜度啱啱好！不過相對依兩杯特飲嘅CP值唔算好高，但都值得叫😋地址：銅鑼灣謝斐道482號兆安廣場地下1-3號舖