盛記粥麵

营业中

休息中

秋風起，涼涼哋，同事話要吃啲熱熱哋嘅嘢，看見這間粥店，門外有一班食客等候，吸引停步等候一下⋯⋯門口大大個牌，粥麵飯套餐，唔使諗，一於入去試一試⋯⋯炸兩~先來一個炸兩，腸粉皮夠滑，但油炸鬼過氣，令炸兩失色。腩汁蘿蔔$18~套餐可配腩汁蘿蔔，除油菜外，多一個選擇。及第粥~單看賣相已相當豐富，豬膶煮得剛剛好，夠爽滑，值得一讚。豬潤粥~朋友單點豬膶粥，size比及第粥套餐細一個碼，適合細食者。當日還有點了”炸鯪魚球” 但沒有拍照，因為一開始大家都太肚餓，三秒內已將它消滅了。整體來說天氣開始轉涼，中午繁忙時段，很多一個人也到來點這個套餐，主食可選粥、麵、飯，之後可加推小食，除油菜外，還有腩汁蘿蔔，最後還有豆漿。更可追加小食，套餐有彈性，及第粥的用料唔錯，吸引了同區的一班食客。

之前堂食，食開云吞麵薏米水腸粉。 好食而且服務唔錯。 因疫情，今次改外賣，試吓及第粥，估唔到好食，粥底夠綿，唔會好水，仲有果皮香味。唯一唔好係好少料。 炸兩，例牌好食，外賣都內脆外嫩，而且醬料全部用細膠兜裝住，好企理。 當然唔及堂食咁好食。桑寄生蛋茶, 第一次試，之前堂食見好多人都點，果然味道好過好多甜品舖，雞蛋好滑，如果有埋蓮子就完美。

九龍公園遊一遊，行到肚餓，天氣涼想食粥，選擇了白加士街的盛記。粥/麵/飯/腸粉優選套餐抵食，招牌狀元及第粥~綿綿粥底，師傅落咗腐竹煲，粥更香，黃沙豬潤好新鮮，豬肚爽，粉腸夠淋，豬心也爽，肉丸好夠味。豬潤腸粉~即叫即整，豬潤都是好新鮮。馳名鳳城水餃麵~麵質勁爽，師傅淥麵技巧好到家，唔多覺有鹼水味，大大隻鳳城水餃，蝦仁爽口彈牙。炸兩~包住炸両嘅腸粉晶瑩通透，一口咬落去，油炸鬼仲係熱㗎，脆卜卜，甜豉油另上，麻醬甜醬自由落。養生桑寄生蛋茶~好有益，不太甜，雞蛋大大隻。熱豆漿~