靚煲皇 (已結業)

一入餐廳就見到有幾枱打邊爐，不過我哋幾日前先打完，今次就叫咗幾碟小菜食飯。好耐冇食過咁好味嘅小炒啦！墨魚餅望落好似麥樂雞，但內有乾坤，墨魚餅超級彈牙，再點埋泰式酸甜醬，超正！叫咗半隻口水雞，雞肉幾滑幾嫩口，有好多辣椒配料，夠晒正宗，好食到要夾埋蔥蒜辣椒辣油雞汁黎撈飯！第一次食金沙秋葵，出面亦都好少見，咸蛋好香口好惹味，炸到脆卜卜，入面秋葵就仲有啲水份，好特別好好味！再叫左個菜，紹菜加竹笙，仲有鳥形紅蘿蔔。最後梗係唔少得甜品啦，係桂花糕！好香好甜桂花味，仲有好多杞子！下次一定會再嚟食，小菜超好食，但見其他食客打邊爐都打得好過癮，唔知下次食邊樣好呢！

嗰日同兩個同事OT完之後，去旺角已經晚上九點半！同事們都想食小菜，可惜很多酒樓十點收，我哋唔想食得匆匆忙忙！我突然醒起「靚煲皇」四月之後有得特色小菜推出，識食嘅我，梗係叫同事一齊去食啦！同事佢哋話，呢間鋪係火鍋店嚟喎，點會有小菜架？🤨我同佢哋講：「我上年黎食個好好食架！好有特色！仲好特別添！不過佢哋只係供應到10月底！」同事們帶着半信半疑的心去試！我當然叫咗幾款我最心怡嘅小菜啦！首先一上嘅第一道菜係「口水雞」，個餸一上枱面，就即刻有陣陣嘅麻辣香味，雞肉滑滑，加上碎花生🥜，乾蔥同埋香蒜等等！味道配合得非常好！第二道菜係「 飄香胡椒蝦」，煮法用馬來西亞胡椒乾炒法，鮮海蝦開了兩邊加上黑椒，乾辣椒，同埋白胡椒粒嘅炒法，令到胡椒的香辣味充分帶出海的蝦肉甜美！加上炒得夠乾身又唔會太辣，蝦肉夠彈牙又夠爽身，蝦嘅甜味令到我好回味！👍🏼第三道小菜係個「帝王龍躉扣」出邊冇得食架！係用啲40幾斤50斤以上嘅龍躉魚嘅胃你整嘅，有好豐富骨膠原，同埋DHA,對於皮膚同埋心臟血管都非常好，而且炆得夠冧，薑蔥片的味道，令到龍躉球食落去唔會覺得腥，又可以補充靚女需要的骨膠原！第四道菜，「招牌小炒皇」最啱我哋追求小菜要夠

夏日熱辣辣，熱辣辣，好熱好熱係旺角睇完戲，友人即刻問我食咩好... 實情係旺角食嘅嘢我已經食到厭了，但諗起塘尾道嗰邊以前好似有唔少餐廳，亦都好多年冇去嗰頭食過，印象中都係去過一次，今次就去一轉睇下有冇收獲啦…去到時間尚早，6點半，但d餐廳已經開得7788，見到呢間靚煲皇門口有咁多雜誌介紹，我有d興趣。友人心諗咁熱仲打邊爐？傻嘅，人地有小菜食架！一望張menu, 好快我就揀左d小菜食，主要都係揀d酸酸甜甜嘅菜，夏天易入口丫嘛！果然俾我發現驚喜首先點左呢個：五柳香魚，估計係黃花魚黎五柳即係五種伴菜啦，主要都係紅黃青椒，洋蔥酸菜等。個醬汁係夏天絕配，甜酸味好搶口，愈食愈想食，送飯食仲特別開胃！魚嘅皮煎得好香口，魚肉嘅質感都幾滑，食材本身應該唔係cheap嘢，入口軟熟皆因條魚多新鮮重口味口水雞出場夏天食辣對我黎講係必然嘅事，因為出一身汗個人特別爽的碟雞都幾大碟，份量都幾足，特別想講一講佢d香料，香料搶口得黎仲好搶鼻。雞肉好嫩，皮又薄，冇過多嘅脂肪。泰式蝦球雖然餐廳係中菜廣東菜為主，無諗過泰式嘢都唔錯，什至做得比一般嘅泰國餐廳有心。蝦球彈牙，蝦肉料多，加上個甜酸汁，更為野味。其實，廚師有無心機煮

o係facebook見到有網民話旺角班左膠要打邊爐緊係去靚煲皇打啦! 雖則我唔係左膠但咁多人轉貼我緊係叫埋d朋友去支持下啦!去到門口就有待應問打邊爐定食小菜, 我地就話坐低睇下先, 見到張餐紙之後就決定打邊爐, 但見到格離枱個口水雞搞到我地流哂口水, 於是我地又叫左個口水雞, 另外我地又嗌左招牌靚煲皇, d料好多, 基本上如果2個人食根本就唔洗嗌其他野食^^口水雞係半隻雞,個辣度媲美四川麻辣,辣得來剛剛好, 好刺激><有朋友食到個咀都痺埋仲繼續食, 則邊有d青瓜解辣, 食完好興奮!!!!! 至於邊爐我覺得個湯夠鮮甜,唔係味精湯, d伙記話係用湯骨淆出來, 真係好正,