秘 (謝斐道)

营业中

休息中

中午同同事食午餐，1:00pm一去到就有位，店舖座位雖然較小，但每座位都較闊落。裝潢是日式風格，主打日式料理和燒肉，有平價午市套餐，亦有多款燒安格斯牛的不同部位選擇，一行仨人都喜歡食燒牛，所以各自揀咗三款牛嘅不同部位，開心share。每個燒牛再加咗$22套餐，配白飯+飯素，流心蛋，汽水。燒黑松露《吉列牛》💲158超驚喜👍🏽👍🏽個人認為必食之一。第一眼見到仲同同事討論外觀唔靚，黑蚊蚊。一食之下，完全改觀，燒完後，肉嫩，重牛味，外皮的吉列香脆，與牛超配搭👍🏽板燒安格斯牛小排💲$148都好好食，質素唔錯👍🏽黑安格斯牛舌芯💲108正常發揮

【吉列牛】$118 ❤️吉列層做得好好食，有少少調味，恰到好處，保留牛肉原本味道。牛肉有一定厚度，食落好有牛香味。牛肉量足，食極都有，非常滿足！.【安格斯牛小排】$118 ❌數量同樣是15片，但牛肉厚度只有吉列牛約一半。調味不足，只落了胡椒，無落鹽。最大問題係，冇牛香味。明明燒完都有肉汁，入口卻冇牛香味，好淡，令人意外。事後上Openrice睇其他人嘅相，牛肉油花靚好多，我個碟就好瘦，差好遠。💔 餐廳Quality control真的需改善。.定食加$20，包一隻溏心蛋、一碗紫菜飯。溏心蛋味道、口感都幾好。紫菜飯就落得太多飯素，太鹹。.落單後，只需幾分鐘便上菜，很有效率。店員加火酒亦很及時，服務不錯。.店舖環境方面，座位比較窄。抽風系統差，雖然不是開放式廚房，用餐區都有好大陣廚房味。再加埋客人燒肉的油煙，全程索左好多油煙。.埋單每人$138，無加一。.結論：【吉列牛】非常值得食，【安格斯牛小排】唔OK