Steak Bar (已搬遷) 新店位置

🐮身為一個終極食肉獸我最中意就係周圍搵肉食今次黎到呢排超受歡迎既Steak Bar叫左佢地主打既吉列牛($188)同每日限量既頂級板腱牛($215)餐兩個set都包前菜、沙律同飯認真好夠份量 兩個餐比三個女仔share都仲得！吉列牛做得唔錯表層既麵包糠唔會過多或過少放落鐵爐度輕輕一燒就變成金黃色而內層既牛肉既肉質亦夠軟腍成件食有外脆內軟既口感 好味👍🏻另外 我亦幾中意個頂級板腱牛雖則肉味唔算超級香但勝在肉質鮮嫩 同埋唔會overcooked順便擺落吉列牛個爐度燒一燒就更好食！以後黎lkf又多個地方食完先去飲野喇😍

事隔多年又再執筆寫下食評~坐立中環蘭桂芳，有一間細間到一眼就睇哂個格局嘅餐廳 - Steak Bar有得飲又有得食！事不宜遲，即刻點份吉列牛黎食下先！一人份量剛剛好，吉列牛預左一定油~但佢係比出面自己燒嘅吉列牛仲油左少少除此以外，依個價錢下真係無野可挑剔温馨提示:- 未食過吉列牛，一定要黎食！- 地方不大，只適合1-4人，多於4人要分枱坐架，同埋有機會唔係坐隔離枱- 記得要早啲book位，好爆場，起碼要早成個禮拜有多！