琥酌 (已搬遷) 新店位置

星期五的晚上，終於有時間相約好友一起來聚聚。尖沙咀街頭食肆也推滿了人，今日想到一間較有私人空間的樓上舖進食，方便傾下心事😛同事介紹，尖沙咀有一間樓上舖吃吉列牛超好食，本人係牛 ge fans😂當然要book黎試試！這間店叫”琥酌”一出電梯就是店。這裏的裝修非常日式，櫃上也推滿了日本酒😍前菜有中菜沙律，沙律菜，食落很開胃。首先來的主菜是吉列安格斯牛😍，出面是炸過的，裏面是生牛肉，很神奇😋還配有一個夾子，可以夾肉在鍋上燒，只需微微一燒便可以😚另外叫了一個角切魚生飯，色彩繽紛🤩刺身份量也很多。小食叫了一個吉列盛合，有蝦，薯餅，蠔😛 炸得剛剛好，炸粉不會太厚。

2019年9月25日 星期三過咗一個星期嘅一半，身心都已經好勞累，所以收咗工之後決定同女朋友出街食返餐好嘅，最後去到尖沙咀樓上既一間日本餐廳上到去見到好似日本既居酒屋咁，裝修得好有特色，我哋坐咗喺靠窗邊嘅位置可能黎到嘅時候客人仲未算好多，所以店員好細心同我地講解餐廳有咩招牌食物，最後當然要左吉列牛！！等左幾分鐘就有前菜送到，有中華沙律同芝麻八爪魚，仲有醬汁撈生菜，都幾開胃跟住店員拎左過爐過嚟話係用嚟燒吉列牛用嘅，仲有三款唔同嘅醬，有鹽燒汁、岩鹽同芥末醬，可以用黎點吉列牛一齊食過咗一陣吉列牛就送到，賣相好靚，店員話放上爐上面燒大約10至15秒就可以之後我哋急不及待咁放上去燒，燒嘅時候已經好香，首先我哋唔點任何醬料，試吓吉列牛嘅原汁原味，外皮好脆，裡面腍得黎充滿牛肉味。醬汁當中最鐘意係配岩鹽，因為可以帶出牛肉的鮮味之後有角切魚生飯，有好多款唔同嘅刺身，切成一粒粒，一啖可以有唔同嘅味道，層次好豐富。刺身好新鮮，就算唔點豉油都已經好夠味最後有吉列盛合，有幾款唔同既炸物，脆漿好薄，炸得岩岩好，仲有醬汁可以點添埋單每人$300左右，但係可以食到置身於日本嘅感覺

依間吉列牛好似好出名，今次同朋友去食，一定要試下啲牛！叫咗個頂級安格斯牛肩肉，如果係套餐咁叫就$368，非常推薦！因為佢啲牛好靚，如果中意食牛既朋友仔一定要去試下，原來牛除咗平時打邊爐、牛扒，仲可以用燒既方法食吉列牛，吉列牛係另一種好特別既食牛方式，我都幾中意🙈然後仲想食下佢啲吉列盛合，$108。有兩件吉列廣島蠔、兩件吉列大蝦仲有一塊和牛薯餅，好正！平時超中意食蠔既我，緊係唔會放過試下廣島蠔，勁大舊，雖然係炸咗，但食得出隻蠔係好新鮮！大蝦真係好大條！好正😍和牛薯餅我都好中意，因為食落又唔會好「漏」，如果有多舊就更好，同朋友一人一舊！仲有一個角切魚生飯 $118，好足料，有玉子、蟹籽、刺身好新鮮，三文魚同吞拿魚薄薄地，但好好食，又有口感，倒啲日本豉油落個飯定再食，更加有味道🥰整體黎講都好值得讚！😋