Tonkotsu 8 by 三田製麵所

营业中

休息中

最近較夜先返屋企，食埋晚餐先返去🍜 🌶🐥名古屋香辣炸雞撈麵($88) 炸雞外層香脆，內層雞肉滑嫩，好味道😋 撈麵配料有日本生蛋黃、粟米、紫菜、肉碎，仲有一碗味噌湯。進食前將所有配料撈勻，味道濃厚香辣，食到大半，嘴唇感覺有丁點麻太古 Apita Food Court 重新裝修過，同以前相比，現時嘅日式風格整體感覺較光亮和諧舒適👍🏽 📍Tonkotsu 8 by 三田製麵所 (太古)太古太古城道18號太古城中心Apita B1樓TKS-04號舖

今日去太古行街,行行下Apita 就有d肚餓,所以就想食拉面醫肚,依度既座位好舒服,唔似一般既food court, 座位大,空間多,感覺都不錯。因為都幾想食拉面,而且佢仲有個撈面,想試曬兩個,所以就叫左兩款試下1.     經典黑麻油拉麵($74)嘩,依個黑麻油拉麵的確好夠麻油香味, 麵條夠幼,是我喜歡食既口感。2.     撈麵套餐(名古屋香辣炸雞撈麵) 配檸檬茶 ($96)依個撈麵好特別,其實都幾啱香港人既口味,而且仲有肉碎,的確幾吸引既,仲有配埋香辣炸雞,真係好好食呀~食完之後仲可以周圍行下,太古城依家有一個台灣既展覽,可以影下相,又有遊戲玩,仲有台灣零食買,真係超正既選擇。

一直都好鍾意三田製麵所嘅沾麵，佢旗下主打搏多豚骨拉麵嘅Tonkotsu 8最近喺太古城新開咗分店。位置喺新裝修嘅Apita food court。除咗豚骨拉麵，仲有名古屋撈麵、咖喱飯同鐵板炒飯，選擇都算多。撈麵同飯都包括味噌湯，另外可以加錢加配小食同飲品。名古屋香辣炸雞撈麵賣相好靚有辣肉碎、生蛋黃、香蔥、韮菜、粟米同紫菜，麵條幾彈牙，少少辣好惹味唔會太重口味。配埋三田好拿手嘅唐揚炸雞，炸雞炸得酥脆唔油膩，內裡肉質嫩滑有肉汁。一次過食到撈麵加炸雞夠晒滿足鐵板牛肉炒飯用鐵板上枱，保持溫度之餘仲有飯焦。牛肉份量都唔少，味道似炒飯版牛丼總括嚟講食物質素幾好，人均約一百蚊價錢合理。