Tonkotsu 8 by 三田製麵所

营业中

休息中

一直都好钟意三田制面所嘅沾面，佢旗下主打搏多豚骨拉面嘅Tonkotsu 8最近喺太古城新开咗分店。位置喺新装修嘅Apita food court。除咗豚骨拉面，仲有名古屋捞面、咖喱饭同铁板炒饭，选择都算多。捞面同饭都包括味噌汤，另外可以加钱加配小食同饮品。名古屋香辣炸鸡捞面卖相好靓有辣肉碎、生蛋黄、香葱、韮菜、粟米同紫菜，面条几弹牙，少少辣好惹味唔会太重口味。配埋三田好拿手嘅唐扬炸鸡，炸鸡炸得酥脆唔油腻，内里肉质嫩滑有肉汁。一次过食到捞面加炸鸡够晒满足铁板牛肉炒饭用铁板上枱，保持温度之余仲有饭焦。牛肉份量都唔少，味道似炒饭版牛丼总括嚟讲食物质素几好，人均约一百蚊价钱合理。