老點點心竹筒飯 (已結業)

朋友推介食呢間特色點心,之前都未食過,知佢D點心中西合壁幾特別,落雨都黎試大約夜晚8點左右黎到,等左20分鐘到入得,其實間店太細,同埋有小小迫見到佢有斑蘭馬拉糕,脆皮麥心小煎堆等等點心,睇到個名都覺得特別,所以係必試朋友又叫左兩個竹筒飯,飯係用紅米,而且雞肉好滑,價錢好親民,一定會再黎

早略有耳聞這所中式點心專門店，其中以她的黑魚子燒賣最為出位。趁著這裡慶祝週年開業之時，帶同一向是中式點心粉絲的太座，過來一會店方的一眾招牌菜魚翅灌湯餃 ($32)，金華火腿香味加上魚翅，帶子，竹笙，鮮蝦，十分鮮甜濃郁! 帶子仔及蝦,再配有一點點金華火腿碎的高湯.湯汁味鮮, 咬時湯汁漏出灌湯餃餃內還有原隻大蝦、竹笙、瑤柱、瘦肉等各種材料的味道配合得相當好 戚風斑蘭馬拉糕第一次見綠色的馬拉糕，單是賣相已經滿分，入口質感鬆軟香滑,，軟熟程度亦不錯,淡淡的斑蘭味非常清新第二次惠顧旺角帶出甜椰味道愛心芝士雞肶:小巧可愛的雞批, Tart餅底是曲奇餅皮加上白汁及芝士，芝士味都算濃厚香濃口感,面上加了白汁及芝士批底很香脆帶子腸, 腸粉皮包住帶子非常甜味, 配合入裏的菜心粒口感變得爽脆清甜西嫩雞竹筒飯，雞肉好嫩，竹筒飯係呢到既一個主打，好有風味，竹茼飯用上了紅米飯加埋個甜豉油，軟綿綿既雞肉好香,引晒d鮮味出黎。咸香黑魚子燒賣 用方型小木盒盛載著，感覺小巧的骰，燒賣上放有帶咸香的黑魚子，而蝦肉則爽口彈牙入口只感覺到少許咸香價錢親民, 茶芥每位也不過是4元 , 食物如此高水準，我們定會再次光顧！

點心係我既至愛之一，相比起傳統點心我比較中意食創新既點心。今次係朋友推介之下黎到旺角老點，聽佢講老點有2間一間係旺角一間係元朗。當然要試左近近地個間先啦。叫左個鮮上肉響鈐腸，心諗應該都係炸兩既朋友，點知食落，一D都唔似最入面係蝦肉，中層就係香脆既響鈐，最外層就係腸粉，口感好特別，成個感覺都好鮮。之後點左個既吾係老點小漢堡，一碟2個細細個好cute，個包好新鮮，漢堡係用蝦做的，而且配埋芥末醬，好惹味。第二個點心，紅魚子海皇餃，非一般既蝦餃，除左蝦，仲有紅魚子，食起來魚子在口水卜卜響好特別，兩者夾起來鮮味倍增。之後，來了聲音白花壤魚肚， XO醬蒸鳳爪味道不算突出。和一般酒樓咁上下。最後，點了個向西嫩雞竹筒飯，竹筒飯香味十足，雞真係好嫩口，飯就加入了紅米有咬口，需要加點醬油會好味。最後，估唔到有甜點，我點了個可愛四色小甜點，4種口味石榴，呂宋芒布甸，咖啡，焦糖布甸。石榴酸中帶甜，好香好特別。呂宋芒布甸，芒果鮮甜。咖啡好香濃咖啡味。焦糖布甸好讚，好味。整體來計，真係幾好味!而且服務都幾好。

星期日，最好就緊係同老公行街食飯啦！行完一輪已經三點幾，好想飲茶食點心，如果去酒樓，下午茶時段又有排等位。一路行一路諗，行到去中旅後少少，見到間老點，裝修靚靚地，就入去試試。叫左個鮮上肉響鈴腸($26),XO醬蒸鳯爪($18)，聲音白花壤魚肚($22)，紅魚子海皇餃($20)，吾係老點小漢堡($22)，是日燉湯—川貝雪梨燉海底椰($45)，向西嫩雞竹筒飯($26)，可愛四色小甜點($33),另外茗茶每位$4。鮮上肉響鈴腸，白滑既腸粉，包住香脆既響鈴，而響鈴一d都唔油，仲有陣陣豆香，最入面包住鮮蝦肉，層次分明。XO醬蒸鳯爪，汁香，鳳爪肉多。聲音白花壤魚肚，魚肚吸收左大量既汁，好鮮味，上面仲壤左蝦膠，好鮮甜味美。紅魚子海皇餃，皮薄餡靚，除左蝦肉，仲有紅魚子，咬落有蝦既鮮甜，仲有魚子既香。吾係老點小漢堡，細細既兩個，包好脆，入面有芥末，菜，而漢堡係用蝦膠做既，再炸成漢堡，好特別，感覺新鮮。川貝雪梨燉海底椰，瘦肉，龍眼肉，雪梨，海底椰，川貝，好足料，個湯好甜，非常的滋潤。向西嫩雞竹筒飯，雞肉好嫩，個飯係紅米飯，加埋個甜豉油，引晒d鮮味出黎。可愛四色小甜點，四款口味包括，香芒小布甸，石榴小布甸，