漢城美食

营业中

休息中

香港尖沙咀出名有一條韓國街，就是金巴利道整條街都是韓國餐館。漢城美食由2001年開店，是同區開店最長時間，而且最經濟實惠的餐館。環境整潔，座位寬敞，裝潢帶著復古玩味。菜式種類繁多，由韓國人主理，猶如置身於韓國，品嚐正宗韓國料理。每枱提供3道前菜：泡菜、芽菜及煎餅。我們一共點了4道菜：♡蜜糖牛油雞翼 $58雞翼部位更加幼嫩，外脆內軟，另配年糕。♡拉麵炒年糕 $95拉麵的辣汁與年糕非常配合，甜甜辣辣，開胃又惹味。♡吞拿魚紫菜飯卷 $84我最喜歡食韓國飯卷，配有不同蔬菜，內餡很豐富，口感有層次，而且每一片都鋪上芝麻， 賣相不錯。♡炸醬麵 $89韓劇經常見主角食得很滋味， 口味與韓國食到得一模一樣， 還加了太陽蛋， 非常滿足。

放假陪好姊妹到尖沙咀金巴利道試婚紗, 順道係附近食少少野醫肚, 呢條街有唔少韓國料理小店, 其中「漢城美食」可說是全區開業最悠久嘅韓食小店, 仲係韓國人主理, 菜式選擇多。餐廳裝修簡約, 地方整潔, 入座隨即送上三碟韓式前菜, 點餐後食物上檯快。【蜜糖牛油雞翼(4件)】HK$58雞翼非常香脆, 表面灑上了蜜糖牛油粉, 甜甜地又滲出淡淡牛油香, 伴有四條煙韌韓國年糕過下口癮。【吞拿魚紫菜飯卷】HK$84飯卷非常足料, 食材比例比飯多, 卷住了吞拿魚肉、菠菜、紅、黃蘿蔔等...口感層次好豐富。【芝士炒年糕】HK$95煙韌韓國年糕配上一片芝士、甜辣醬汁, 辣得有如泡菜般香辣, 好惹味, 仲配有大量盡吸了醬汁嘅椰菜絲。【炸醬麵】HK$89麵質彈牙, 炸醬汁撈起好漿口, 配有青瓜絲、荷包蛋、有些少碎豬肉同埋唔少好林嘅洋葱, 大大碗同朋友share都好夠食。