漢城美食

营业中

休息中

放假陪好姊妹到尖沙咀金巴利道试婚纱, 顺道系附近食少少野医肚, 呢条街有唔少韩国料理小店, 其中「汉城美食」可说是全区开业最悠久嘅韩食小店, 仲系韩国人主理, 菜式选择多。餐厅装修简约, 地方整洁, 入座随即送上三碟韩式前菜, 点餐后食物上台快。【蜜糖牛油鸡翼(4件)】HK$58鸡翼非常香脆, 表面洒上了蜜糖牛油粉, 甜甜地又渗出淡淡牛油香, 伴有四条烟韧韩国年糕过下口瘾。【吞拿鱼紫菜饭卷】HK$84饭卷非常足料, 食材比例比饭多, 卷住了吞拿鱼肉、菠菜、红、黄萝卜等...口感层次好丰富。【芝士炒年糕】HK$95烟韧韩国年糕配上一片芝士、甜辣酱汁, 辣得有如泡菜般香辣, 好惹味, 仲配有大量尽吸了酱汁嘅椰菜丝。【炸酱面】HK$89面质弹牙, 炸酱汁捞起好浆口, 配有青瓜丝、荷包蛋、有些少碎猪肉同埋唔少好林嘅洋葱, 大大碗同朋友share都好够食。