丼道 (上水廣場)

营业中

休息中

在上水廣場購物後，看到日式餐廳「丼道」環境雅致、舒適，就决定進入享用晚餐。和風晚市定食有多個款式選擇，我較喜歡照燒雞扒迷你丼&湯烏冬味噌湯、炸餃子、雪糕甜筒、芒芒、果蒟蒻多多。照燒雞扒迷你丼~話雖迷你丼，但都是滿滿的一飯碗，配合湯烏冬，相信連大胃王也可以滿足，雞扒和香甜的照燒汁，軟綿的珍珠米飯，配合得美味無窮。炸餃子~金金黃黃的脆皮餃子，菜肉饀料鮮嫩多汁。湯烏冬~清而不淡的湯烏冬跟鳴門卷，別具風格。味噌湯~很傳統的海帶、魚乾鮮味。雪糕甜筒~牛奶與抹茶扭紋軟雪糕是最佳餐都甜品。芒果蒟蒻多多~香鮮芒果粒粒和蒟蒻粒粒，有咀嚼口感，甜甜酸酸，冰冰涼涼，十分消暑開胃，而且跟餐有半價優惠。滑蛋吉列豬扒丼~日式的滑蛋口感較濕潤，伴有洋葱絲，吃到洋葱絲的甜味，甜味也滲入珍珠米飯，非常可口，吉列豬扒外脆肉滑。炸芝士年糕~香香脆脆的芝士年糕蘸少許沙糖吃，味道更豐富。蜜味脆魷魚~很有驚喜的蜜味脆魷魚，酥脆之餘，蜜味減少了油膩，而且魷魚肉質嫩滑，我們再安哥一碟！凍oreo朱古力牛乳& 3.6牛乳軟雪糕凍咖啡~都能同時滿足凍飲和甜品的雙贏！YUAH！

難得今日不用做飯, 決定放工自己一個人去CHILL 下食個晚餐, 這餐館光猛開揚, 空間寬敞, 正合我心意。餐廳位於上水地標---上水廣場三樓, 交通方便容易搵, 是約北區朋友食飯的不二之選。店員好有禮貌, 帶我入座後先簡單介紹時令菜式, 指示用手機掃碼落單。餐牌食物選擇多樣化, 主食有丼飯,烏冬和咖哩飯, 如一班朋友用餐, 應該都可滿足不同喜好。1. 炒野菜炒野菜包括: 椰菜,洋蔥,蘿蔔,青椒, 菜品豐富, 炒出來味道甜甜地, 又唔會太鹹。 黑椒味較濃, 如有需要,可以叫店員走黑椒。2. 味噌湯有湯料, 不是齋水。3. 溫泉蛋生熟剛剛好, 咬下涼涼的流心蛋液挑起食慾。4. 鰻魚丼鰻魚口感ok, 烤焗火喉適中, 鰻魚汁非常好下飯。5. 北海道牛乳抹茶扭紋雪糕軟雪糕又香甜又軟滑, 尤喜歡雪糕底部的金寶脆脆, 豐富了口感的層次。這款甜品為這趟晚餐畫上圓滿句號

到上水廣場行街行到有啲肚餓，一於去食個下午茶，去到三樓就俾佢嘅大門面吸引住，有日本超人、鐵甲人display，門前亦放咗用心設計嘅menu供客人參考。望到店內風格係簡約日式和風設計，大玻璃窗採光度十足。睇到店名叫丼道，顧名思義應該係食丼，咁就一於入去試吓，我哋選擇咗窗前卡位，座位寬敞，下午陽光透入嚟感覺幾溫暖同舒服。#迷你粒粒刺身丼 $60選擇咗下午茶輕食Tea Set，所以預咗係細細碗，粒粒刺身角切，有鯛魚、三文魚、吞拿魚，玉子粒及青瓜粒，食材就較為平實，刺身食落有少少筋，呢個價錢有呢個配套，整體嚟講都唔錯，鍾意食日本嘢可以頂到一吓刺身癮。可能係下午茶關係，我覺得刺身份量少啲，飯比例就多咗。#滑蛋牛肉丼 $60下午茶餐細細碗，如果肚餓嘅話，建議叫返正常丼，滑蛋汁都煮得幾滑，加埋洋蔥肥牛片，都幾好送飯。個餐已經包咗有機烏龍蜂蜜凍茶，可以選擇椰菜絲沙律或者味噌湯，餐廳提供柚子醋可自行加入椰菜絲沙律，味噌湯就正常發揮。#丼道地址：上水龍琛路39號上水廣場3樓317-320號舖