阿來東南亞風味 (已結業)

黎到先知係類似茶記嘅格局同模式有啲意外竟然有得卜枱( ´▽｀)當時1915左右 都仲有幾張枱吉 唔係冇人黎食 而係人客多數都係快食快走 門外會有大menu 可以睇下係咪啱食先入去本來想叫二人餐C 但大家對炸蝦餅都有啲遲疑所以就決定散嗌唔想食炸蝦餅 我地揀左食沙嗲串燒上面三串係豬 下面三串係雞個沙嗲醬幾好味 所以都會係推薦嘅但其實雞味同豬味都唔係好出( ´▽｀)主要分辨佢地係靠肉嘅質感雞肉會比較軟身同滑 豬就鞋啲硬身啲叫左份馬拉盞炒通菜好大份( ´▽｀)我其實覺得個味都幾好 偏辣不過本身啲通菜就麻麻地 咬落都有渣想食啲菜都可以叫 但真係要撞手神睇有冇渣冬蔭公湯 叫左個細嘅但其實都幾大碗 就咁一人一羹整落碗仔都有四碗左右2個人叫個細嘅都夠 料都好多蝦都有三四隻香茅啊菇啊就必然地多啦個味係我中意嘅( ´▽｀) 酸辣得黎有少少甜呢間舖個味都較得幾好 係大眾會接受嗰種不過食得多個口都會辣嘅叫左份咖哩軟殼蟹其實呢個係意外( ´▽｀)雖然望到軟殼蟹 但就係覺得係咖哩炒蟹佢係就咁有碟咖哩 然後放隻炸過嘅軟殼蟹上去係冇炒埋一碟( ´▽｀)雖然蟹好少 但咖喱好多 個味都係討好嘅係偏甜嘅咖哩 加左好多蛋落去

陪老公去旺角睇模型，行到去好多模型槍既廣華街見呢間菜館~ 感覺有d似茶餐廳，但原來呢度既款式種類幾多，仲係以東南亞為主，有炒粉麵、泰國、星馬菜都有~ 辣控既老公見到有泰式冬蔭公系列已經話要叫返碗黎過下口癮，呢度最好既地方係可以額外加＄10就可以點雙拼，論價錢真心講句係超值。到實物上檯都依然係非常足料兼對辨，絕對抵食過同區食個3餸麵車仔麵，我地點左海南雞併豬脾金邊粉，冇花冇假端起啖啖肉，麵底份量直迫加底，至於湯底就視乎個人偏好辣既程度有所不同，老公話辣度再提升1-2級會更好，仲趁熱呷幾口湯醒醒神，入口既酸辣氣味直奔喉嚨味蕾，嚐一口金邊粉再一口嫩滑雞肉，風味十足！不太吃辣的我都另外叫左一客滷豬脾飯，雖然大家都係滷豬脾，但老公既主要係肉，而我呢碟就有埋豬皮，份量都唔少~滑滑的順便補補骨膠原，滷汁都入哂味，唔錯! 跟餐加左$9飲泰式咖啡，店長送上之後仲會問啱唔啱飲，要唔要加奶~因為本身都比較中意黑咖啡，就覺得唔加都已經好好飲!咖哩炒軟殼蟹剛好一人半隻軟殼蟹，炸得鬆脆香口，外脆內軟，咖喱入面有蛋花，略帶椰香唔會太辣但好惹味！鐵板炒蠔仔蛋脹卜卜既蠔仔黐滿哂喺金黃色嘅蛋上面，蠔仔新鮮之餘分量仲好多，

今晚想2人世界，行完波鞋街見到間泰國菜就試下，叫左個2人餐C $398簡直係4人餐既分量好滿足呀泰式鮮蝦冬陰公湯有4隻大蝦好足料，個味岩岩好唔會好辣，好似係泰國飲個隻味泰式海南雞雞肉好嫩滑，仲配左2款醬泰式醬同港式薑蔥，可以食到2種口味脆炸馬來豆卜釀蝦膠第一次咁食將蝦膠釀入豆卜再炸左，蝦膠好彈牙加埋豆卜好香豆味，配以泰式甜酸醬，不錯咖哩炒軟殼蟹軟殼蟹唔夠脆口但勝在咖哩唔太辣，好多配料芹菜、青紅椒、洋蔥……最特別係加左雞蛋，每到個咖哩更加香濃飛天通菜加左辣椒有小小辣但好香口跟餐有2碗白飯，淨係叫左1碗飯加左$10轉蒜蓉包，有4塊蒜蓉包仲要每塊既牛油蒜蓉一點都不少，香脆之餘仲好濃味青檸梳打另外仲叫左依到必食既～星馬蛋黃雞翼$68香濃既蛋黃沾滿每隻雞翼，啖啖都食到蛋黃香，雞翼做左單骨，岩哂我地lady一啖一隻最後食埋個泰菜必食甜品，椰汁西米糕$48濃滑既椰汁西米糕仲加左芋頭令口感更加豐富